09:12, 24 - قىركۇيەك 2014 | GMT +5
لاي كوشكىنى مەن تاسقىننان 28 ادام قازا تاپتى
استانا. قازاقپارات - ءۇندىستاننىڭ سولتۇستىك-شىعىسىندا لاي كوشكىنى مەن تاسقىن سالدارىنان 28 ادام قازا تاپتى، دەپ جازادى 24.kz.
ەكى كۇن بويى تولاسسىز جاۋعان نوسەر سوڭى سەلگە ۇلاستى. ون ءتورت كىسىنىڭ ءولىمى اسسام شتاتىندا تىركەلدى. بۇل ايماقتا 90 اۋىلدى سۋ شايىپ كەتكەن.
ءجۇز ەلۋ مىڭنان استام تۇرعىنعا ۇيلەرىن تاستاپ، بيىك جەرلەرگە كوشۋ تۋرالى ۇسىنىس ايتىلدى. قازىر جەرگىلىكتى بيلىك وكىلدەرى باسپاناسىنان ايىرىلعان مىڭداعان ادامعا ۋاقىتشا شاتىرلار قۇرىپ جاتىر.
بۇدان باسقا، تابيعي اپاتقا بايلانىستى مەكتەپتەر مەن جوعارى وقۋ ورىندارىنداعى ساباقتار كەيىنگە شەگەرىلدى. جاۋىن-شاشىن بىرنەشە ساعات بۇرىن باسىلعان، ءبىراق اۋا رايىن بولجاۋشىلار الداعى كۇندەرى نوسەر قايتا جاۋۋى مۇمكىن دەپ وتىر.
