ارزان كولىك اكەپ بەرەمىن دەپ 280 ادامنىڭ اقشاسىن جوق قىلعان كۇدىكتى ۇستالدى
نۇر- سۇلتان. قازاقپارات - ەلوردالىق پوليتسەيلەر الاياقتىق جاساعانى ءۇشىن حالىقارالىق ىزدەۋ سالىنعان «Nur- AvtoKz» ج ش س ديرەكتورىنىڭ ورىنباسارىن ۇستادى، دەپ حابارلايدى قازاقپارات نۇر- سۇلتان قالالىق پ د باسپا ءسوز قىزمەتىنە سىلتەمە جاساپ.
2021 -جىلدىڭ قىركۇيەگىنەن پوليتسياعا 280 تۇرعىن شاعىم تۇسىرگەن. كومپانيا باسشىلىعى ولاردىڭ اقشالاي قاراجاتى مەن اۆتوكولىكتەرىن الاياقتىق جولمەن يەلەنگەن.
«كومپانيا باسشىلىعى نارىقتاعىدان ارزان باعامەن 45 جۇمىس كۇنى ىشىندە اۆتوكولىك اكەلىپ بەرەمىز دەپ شارت جاساسقانى انىقتالدى. اقشالاي قاراجاتتى ساتىپ الۋشىلار ج ش س- نىڭ كاسساسىنا تولەگەن. كليەنتتەرگە كەلگەن ءىرى كولەمدەگى ماتەريالدىق زالال 3 ميلليارد تەڭگەدەن اسادى، - دەلىنگەن حابارلامادا.
ەلوردالىق پوليسيا دەپارتامەنتى الاياقتىق فاكتىسى بويىنشا ق ر ق ك 190-بابى بويىنشا سوتقا دەيىنگى تەرگەۋ جۇرگىزىپ جاتىر.
«سوتقا دەيىنگى تەرگەۋ بارىسىندا الاياقتىق جاسادى دەگەن ايىپ تاعىلعان 35 جاستاعى ج ش س ديرەكتورى 2021 -جىلدىڭ قازانىنان تەرگەۋ ورگاندارىنان قاشىپ، وعان ىزدەۋ سالىنعان بولاتىن. وعان قاتىستى تەرگەۋ سوتىنىڭ شەشىمىمەن «قاماۋعا الۋ» بۇلتارتپاۋ شاراسى قولدانىلدى»، - دەلىنگەن ەلوردالىق پ د باسپا ءسوز قىزمەتىنىڭ حابارلاماسىندا.
كۇدىكتى قاماۋعا الىنىپ، اقتاۋ قالاسىنداعى ۋاقىتشا يزولياتورىنا قامالدى. تەرگەۋ ءجۇرىپ جاتىر.
