«مىڭ بالا» جوباسىنىڭ اياسىندا 280 مىڭ جەتكىنشەك قازاق ءتىلىن ۇيرەندى
بۇل تۋرالى ق ر اقپارات جانە الەۋمەتتىك دامۋ ۆيتسە-ءمينيسترى سەرىك ەگىزبايەۆ قازاقستان حالقى اسسامبلەياسى ۇيىمداستىرعان پرەزيدەنت جولداۋىنا ارنالعان دوڭگەلەك ۇستەلدە ايتتى.
«ەلىمىز بويىنشا بارلىعى 174 جەكسەنبىلىك مەكتەپ جۇمىس اتقارادى، ونىڭ ىشىندە 124 توپ قازاق ءتىلى كۋرستارىن وتكىزەدى. وعان 1200 گە جۋىق ادام قاتىسادى. سونىمەن قاتار، دوستىق ۇيلەرىنىڭ بازاسىندا تۇراقتى نەگىزدە قازاق ءتىلىن وقىتۋ بويىنشا «مامىلە» اتتى 18 پىكىرتالاس كلۋبى ۇيىمداستىرىلدى، «قازاق تانۋ» رەسپۋبليكالىق مادەني- اعارتۋشىلىق جوباسى ىسكە اسىرىلادى»، - دەدى ۆەدومستۆو وكىلى.
سونداي-اق، ول مينيسترلىك «قازاقستاندىق ەتنوستاردىڭ الۋان تۇرلىلىگىن رۋحاني- مادەني تانىمال ەتۋ» جوباسىن ىسكە اسىرىپ جاتقانىن ايتتى.
«بۇل جوبا قازاق حالقىنىڭ سالت- داستۇرلەرى مەن ادەت- عۇرىپتارىن زەردەلەۋگە، قازاق ءتىلى مەن قازاقستان ەتنوستارىنىڭ انا تىلدەرىن، اقىن- جازۋشىلاردىڭ كوركەم تۋىندىلارىن زەردەلەۋگە، حالىق ەرتەگىلەرىن، تاريحتى، ءداستۇرلى شەبەرلەردى جانە ت. ب. تانىمال ەتۋگە جۇيەلەندىرىلگەن. جوبا شەڭبەرىندە ەلىمىزدىڭ بارلىق وڭىرلەرىندە 130-عا جۋىق ءىس- شارا وتكىزىلىپ، ولارعا 10 000-نان استام ادام قاتىستى»، - دەدى ۆيتسە-مينيستر.
ونىڭ ايتۋىنا قاراعاندا، جىل سايىن قازاقستان حالقى اسسامبلەياسىمەن بىرلەسىپ وتكىزىلەتىن «ۇلى دالانىڭ ۇلتارالىق ءتىلى» رەسپۋبليكالىق فورۋمى دا قازاق ءتىلىن ەتنوسارالىق قاتىناس ءتىلى رەتىندە ناسيحاتتاۋعا باعىتتالعان.
«ورتالىق جانە وڭىرلىك دەڭگەيدە 2015 -جىلدان باستاپ «مىڭ بالا» رەسپۋبليكالىق مادەني- اعارتۋشىلىق جوباسى جۇزەگە اسىرىلۋدا. جوبا شەڭبەرىندە 1,5 ميلليون بالا قاتىسىپ، ونىڭ ىشىندە 280 مىڭعا جۋىق ادام قازاق ءتىلىن مەڭگەرۋگە تارتىلدى. قازاق ءتىلىنىڭ قوعامداعى قولدانىس اياسىن كەڭەيتۋ باعىتىنداعى جۇمىستار اتالعان جوبالار جانە باسقا دا ءىس- شارالار شەڭبەرىندە ءوز جالعاسىن تابا بەرەتىن بولادى»، - دەدى سەرىك ەگىزبايەۆ.
اۆتور: ەسىمجان ناقتىباي
