قاراعاندىعا قاراستى كەنتتەگى وپىرىلعان ءۇيدى ارشۋعا 280 ادام جۇمىلدىرىلدى
«قازىرگى ۋاقىتتا شاحان كەنتىندەگى قۇلاعان ءۇيدىڭ ۇيىندىلەرىن تازارتۋعا 280 ادام جۇمىلدىرىلدى، ولاردىڭ قاتارىندا قۇتقارۋشىلار، پوليتسيا قىزمەتكەرلەرى، جەرگىلىكتى اتقارۋشى ورگاندار، جەدەل مەديتسينالىق جاردەم بريگاداسى، ۇلتتىق ۇلاننىڭ 52859-اسكەري ءبولىمىنىڭ اۋىر تەحنيكاسى جانە جەكە كاسىپكەرلەر بار»، - دەپ ءمالىم ەتتى رۋسلان يمانقۇلوۆ.
بۇعان دەيىن حابارلانعانداي قاراعاندى وبلىسى شاحتينسك قالاسىنا قاراستى شاحان كەنتىندەگى تۇرعىن ءۇيدىڭ قۇلاۋ وقيعاسىنا قاتىستى شاحان كەنتى اكىمدىگى قاسىنان شۇعىل جەلى اشىلدى: 87215632417.
ەسكە سالا كەتەيىك، 1 -قاڭتار كۇنى 22:40-تا قاراعاندى وبلىسى ت ج د قۇتقارۋ بولىمىنە شاحتينسك قالاسى شاحان اۋىلىنداعى كوپقاباتتى ءۇيدىڭ ءبىر بولىگى وپىرىلىپ تۇسكەنى تۋرالى قوڭىراۋ شالىنعان. وقيعا ورنىنا شۇعىل تۇردە ت ج د قۇتقارۋشىلارى جونەلتىلىپ، تۇرعىندار ەۆاكۋاتسيالاندى. اۋەلى 1 ادامنىڭ ءمايىتى ءۇيىندى استىنان شىعارىلعان بولاتىن. كەيىن ەكىنشى تۇرعىننىڭ دەنەسى ءۇيىندى استىنان تابىلدى.
