بيىل الاكولدە 280 مىڭ تۋريست دەمالعان
بۇل تۋرالى بۇگىن باسپا ءسوز ءماسليحاتىندا قازاقستاندىق تۋريستەر قاۋىمداستىعىنىڭ ديرەكتورى راشيدا شايكەنوۆا حابارلادى.
«بيىلعى دەمالۋشىلار سانى شامامەن 280 مىڭ بولدى. بۇل ۇلكەن جەتىستىك. وتكەن جىلى مۇندا 200 مىڭعا جۋىق حالىق دەمالعان ەدى»، - دەدى راشيدا شايكەنوۆا.
ول شىلدە ايىندا كول جاعاسىندا ورنالاسقان قوناق ۇيلەرگە تاپسىرىس بەرۋ مۇمكىن بولماعانىن ايتتى. ودان بولەك، جىل باسىنان بەرى قازاقستانعا ۆيزاسىز كەلۋ قۇقىعى بار 19 ەلدەن كەلەتىن تۋريستەردىڭ سانى وسكەنىن حابارلادى.
«بىزگە نورۆەگيا، يسپانيا، چەحيا، شۆەيتساريا، سەربيا جانە ارگەنتينادان تۋريستەر كەلدى - بۇرىن- سوڭدى بۇل مەملەكەتتەردەن بىزگە تۋريستەر كەلمەگەن»، - دەپ تولىقتىردى ول.
سونىمەن بىرگە، شايكەنوۆا جاپونيالىق تۋريستەردىڭ ماڭعىستاۋ جانە الماتى وبلىستارىنا ەرەكشە قىزىعۋشىلىق تانىتقانىن اتاپ ءوتتى.
