ۇلتتىق بانكتىڭ التىن-ۆاليۋتالىق رەزەرۆى ناۋرىزدا 28,5 ميلليارد ا ق ش دوللارىنا جەتتى

الماتى. قازاقپارات - ۇلتتىق بانكتىڭ التىن-ۆاليۋتالىق رەزەرۆى 28,5 ميلليارد ا ق ش دوللارىنا جەتتى.

بۇل تۋرالى بانكتىڭ ءتوراعاسى دانيار اقىشەۆ Reuters اگەنتتىگىنە بەرگەن سۇحباتىندا ايتتى.

ايتا كەتۋ كەرەك، رەزەرۆ ناۋرىزدا 1,2 پايىزعا، ياعني 64,3 ميلليارد ا ق ش دوللارىنا وسكەن.

ناۋرىزدىڭ سوڭىندا ەلدىڭ جالپى حالىقارالىق رەزەرۆتەرى 92,8 ميلليارد دوللارعا جەتكەن.

ق ر ۇلتتىق بانكىنىڭ باسپا ءسوز قىزمەتى حابارلاعانداي، ءوزىنىڭ سۇحباتىندا د. اقىشەۆ قاڭتاردا بازالىق ستاۆكا 17 پايىز دەڭگەيىندە بەلگىلەنگەنىن اتاپ ءوتتى. ناۋرىزدا بۇل مەجە +/- 2 دالىزبەن ساقتالعان بولاتىن.

«ءبىز قارجى نارىعىنداعى جاعدايدى ءجىتى باقىلاپ وتىرامىز. بازالىق ستاۆكا ءتۇرلى نارىق جاعدايىنا بايلانىستى وزگەرۋى عاجاپ ەمەس»، - دەدى باس بانكير.

اۆتور: گۇلميرا عوسمانالي