قازاقستاندا 28-30- ناۋرىز ارالىعىندا كۇن سۋىتادى
سينوپتيكتەردىڭ مالىمەتىنشە، قازاقستاننىڭ اۋا رايىنا دەمالىس جانە دۇيسەنبى كۇندەرى سولتۇستىك پەن وڭتۇستىكتىڭ فرونتتىق اۋماعى ىقپال ەتەتىن بولادى.
«فرونتتاردىڭ شىعىس جانە وڭتۇستىك-شىعىسقا قاراي اقىرىنداپ ىعىسۋىنان رەسپۋبليكانىڭ سولتۇستىك جارتىسىندا قار جاۋادى جانە جەلدىڭ جىلدامدىعى سەكۋندىنا 15-20 مەترگە دەيىن جەتەدى. سونىمەن قاتار، كەي جەرلەردە بۇرقاسىن بولىپ، تۇنگى اۋا تەمپەراتۋراسى 18-28 گرادۋسقا دەيىن تومەندەيدى»، - دەلىنگەن حابارلامادا.
سونىمەن قاتار، وڭتۇستىكتە سۋىق اتموسفەرالىق فرونتتاردىڭ وتۋىنە بايلانىستى جاڭبىر جاۋىپ، ونىڭ ارتى تۇندە قارعا اينالاتىنى حابارلاندى، تاۋلى ايماقتاردا دا قالىڭ قار جاۋادى دەگەن بولجام بار. بۇل وڭىردە تۇنگى اۋا تەمپەراتۋراسى 2-7 گرادۋسقا دەيىن تومەندەپ، كەي جەرلەردە 13 گرادۋس سۋىق بولادى.
ايتا كەتەيىك، تەك باتىس قازاقستاندا جاۋىن-شاشىنسىز، دەگەنمەن رەسپۋبليكانىڭ بارلىق اۋماعىنداعى اۋا تەمپەراتۋراسى كليماتتىق نورمادان 3-5 گرادۋسقا تومەن بولادى.
