09:10, 14 - اقپان 2023 | GMT +6
ەلىمىزدە 27 مىڭعا جۋىق شەتەل كولىگى زاڭداستىرىلدى
استانا. قازاقپارات - كولىكتى زاڭداستىرۋ شاراسى جۇزەگە اسىرىلا باستاعان 20 كۇندە 27 مىڭعا جۋىق كولىك تىركەلدى، دەپ حابارلايدى قازاقپارات Polisia.kz سايتىنا سىلتەمە جاساپ.
سايتتاعى دەرەكتەرگە قاراعاندا، تاعى 65 مىڭنان استام اۆتوكولىك الدىن الا تەكسەرۋدەن ءوتىپ، ءارى تىركەۋگە جىبەرىلدى.
سونىمەن بىرگە ءى ءى م اۆتوكولىكتەردى زاڭداستىرۋ پروتسەسىندە تۋىندايتىن پروبلەمالاردى شەشۋ ءۇشىن تالداۋ جۇرگىزۋدە.
اتاپ ايتقاندا، زاڭداستىرۋ پروتسەسىندە كوبىنە باسقارۋ ورگاندارى وڭ جاقتا ورنالاسقان اۆتوكولىكتەر انىقتالدى، ولار ەل اۋماعىنا قوسالقى بولشەكتەر تۇرىندە اكەلىنىپ، كەيىننەن قازاقستان ازاماتتارىنا ساتىلعان.
«اتالعان كولىكتەر بويىنشا ىشكى ىستەر مينيسترلىگى مەملەكەتتىك ورگاندارمەن بىرلەسىپ، ولاردى قازاقستان رەسپۋبليكاسىندا باستاپقى تىركەۋدىڭ قۇقىقتىق تەتىكتەرىن ازىرلەدى. قازىر زاڭمەن رەسىمدەۋ جۇمىستارى جۇرگىزىلۋدە»، - دەلىنگەن حابارلامادا.