جامبىلداعى جارىلىس: اۋرۋحاناداعى 27 ادامنىڭ التاۋىنىڭ جاعدايى اۋىر
جامبىل وبلىسىنداعى جارىلىستان 88 ادام زارداپ شەككەن بۇل تۋرالى جامبىل وبلىسى اكىمىنىڭ باسپا ءسوز قىزمەتى حابارلادى.
«27-تامىز كۇنى ساعات 08.00 دەگى جاعداي بويىنشا ۋاقىتشا ەۆاكۋاتسيالاۋ پۋنكتتەرىندە 171 ادام تۇرىپ جاتىر. ولارعا قاجەتتى جاعدايلار جاسالعان جانە ولارعا تاڭعى اس بەرىلگەن. ەۆاكۋاتسيالاۋ جۇمىستارىنا 32 دارىگەر، ونىڭ ىشىندە تراۆماتولوگ، نەيروحيرۋرگ، حيرۋرگ، رەانيماتولوگ جانە ت. ب. دارىگەرلەر، 56 ورتا مەديتسينالىق قىزمەتكەر قاتىستى. ءدارى- دارمەكتەرمەن قامتاماسىز ەتىلگەن»، - دەلىنەگن حابارلامادا.
ال جارىلىس سالدارىنان اۋرۋحاناعا تۇسكەندەردىڭ ىشىندە جاعدايى اۋىر 6 ادام جاتىر. جالپى جارىلىستان زارداپ شەككەندەرگە جەدەل مەديتسينالىق كومەك كورسەتۋ ءۇشىن 37 جەدەل مەديتسينالىق جاردەم بريگاداسى، ونىڭ ىشىندە 3 مەديتسينالىق اۆياتسيا بريگاداسى جۇمىلدىرىلدى. ءبىر بريگادا تاراز قالاسىنىڭ №5 مەكتەبىندە، 1 بريگادا بايزاق اۋدانىنىڭ بازارباي اۋىلىنان بۇرىن 226 ادامدى ەۆاكۋاتسيالاعان تاراز پوليتەحنيكالىق كوللەدجىندە كەزەكشىلىك ەتەدى.
«27-تامىز كۇنى ساعات 08.00 دە اۋرۋحانالاردا 28 ناۋقاس بار، ونىڭ 6 اۋى اۋىر حالدە. جامبىل وبلىسىنىڭ ءبىرىڭعاي ديسپەتچەرلىك قىزمەتكە 473 ءوتىنىش كەلىپ تۇسكەن. ونىڭ ىشىندە 265 ءوتىنىش «109» قىسقا ءنومىرى بويىنشا، 190 ءوتىنىش WhatsApp مەسسەندجەرى ارقىلى جولدانعان. كەلىپ تۇسكەن قوڭىراۋلاردىڭ كوبى تۇرعىنداردى ەۆاكۋاتسيالاۋ تۋرالى اقپارات پەن اسكەري بولىمدەگى قويمانىڭ جاي- كۇيى تۋرالى سۇراق قويىلۋدا»، - دەلىنگەن حابارلامادا.
بۇعان دەيىن ءوڭىردىڭ توتەنشە وقيعاعا بايلانىستى «109» ءنومىرى مەن 87788109109 WhatsApp ارقىلى شۇعىل جەلى ىسكە قوسىلعانى حابارلاعان ەدى.
تۇندەگى اقپارات بويىنشا اپات بولعا اۋماقتان ەۆاكۋاتسيالانعان تۇرعىندارعا ارنالىپ، وبلىس ورتالىعىنان 400 دەن استام ورىن دايىندالعان. قوسىمشا 1000 عا جۋىق ورىن دايىنداۋ مۇمكىندىگى قاراستىرىلعان. ونىڭ ىشىندە تاراز قالاسىندا 221 ادام ارنايى جاساقتالعان جاتىن ورىندارمەن قامتاماسىز ەتىلگەن.