نۇر-سۇلتاندا ۆاكسينالانعان قىزمەتكەرلەر 27-ماۋسىمنان قاشىقتان جۇمىس ىستەۋگە اۋىسادى
جاڭا قاۋلى ق ر اۋماعىندا كوروناۆيرۋس ينفەكسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىنىڭ 2021 -جىلعى 22-ماۋسىم كۇنگى حاتتاماسىنا سايكەس قابىلدانعان بولاتىن.
قۇجاتقا سايكەس، مەملەكەتتىك ورگانداردىڭ، ۇلتتىق كومپانيالاردىڭ، كاسىپورىنداردىڭ اكىمشىلىك قىزمەتكەرلەرىنىڭ كەمىندە %80 قاشىقتان جۇمىس ىستەۋ تارتىبىنە كوشۋى كەرەك. ال ۆاكسينانى تولىق قابىلداعان قىزمەتكەرلەر وفلاين رەجيمدەگى جۇمىسقا جىبەرىلەدى.
«وندىرىستىك قاجەتتىلىككە بايلانىستى مەنشىك نىسانىنا قاراماستان مەملەكەتتىك ورگانداردىڭ (ۇيىمداردىڭ)، ۇلتتىق كومپانيالاردىڭ، كاسىپورىنداردىڭ اكىمشىلىك پەرسونالىنىڭ كەمىندە %80 قاشىقتان جۇمىس ىستەۋ تۇرىنە كوشىرىلۋى ءتيىس. بۇل رەتتە سوڭعى 3-6 اي ىشىندە COVID-19 عا قارسى ۆاكسينالاۋدىڭ تولىق كۋرسىن العان جانە COVID-19 بەن اۋىرىپ جازىلعان بارلىق قىزمەتكەردىڭ كۇندىزگى رەجيمدە جۇمىس ىستەۋىنە رۇقسات بەرىلەدى»، - دەلىنگەن قاۋلىدا.
ەسكە سالايىق، كەشە نۇر-سۇلتان قالاسىنىڭ اكىمى التاي كولگىنوۆ ۆاكسيناتسيالانعان قىزمەتكەرلەردىڭ قاتارى از بولسا نىساننىڭ جۇمىسى توقتاتىلاتىنىن ايتقان بولاتىن.
