نۇر- سۇلتاندا 27 ەلدىڭ ەلشىلەرى جاڭا ساياباققا اعاش وتىرعىزدى
ۇيىمعا مۇشە 27 مەملەكەتتىڭ ەلشىلەرى جاڭا اللەياعا قىزىل شەتەن اعاشتارىن وتىرعىزدى، دەپ حابارلايدى قازاقپارات.
«قازاقستان تاۋەلسىزدىگىنىڭ جانە ازياداعى ءوزارا ءىس- قيمىل جانە سەنىم شارالارى كەڭەسىنىڭ 30 جىلدىعى قارساڭىندا بۇگىنگى شارانىڭ سيمۆولدىق ءمانى بار دەپ ويلايمىن. بۇل ۇيىم حالىقارالىق قاتىناستارداعى كۇردەلى ماسەلەلەردى شەشۋدەگى ماڭىزدى حالىقارالىق پلاتفورما رەتىندە بەكىتىلدى. ا و س ش ك بەس نەگىزگى ولشەم بويىنشا جۇمىس ىستەيدى: اسكەري قاقتىعىستاردى بولدىرماۋ، سوعان سەنىم شارالارىن قابىلداۋ، ەكونوميكالىق باعىت، ەكولوگيالىق باعىت، ادامي باعىت جانە جاڭا تەگەۋرىندەر مەن سىندار. بۇگىنگى شارانى عالامشارداعى ءومىردى جاقسارتۋ ءۇشىن مەملەكەتتەر بىرلەسكەن قادام جاسايتىن ادامي ولشەمنىڭ كورسەتكىشى دەپ اتار ەدىم. ا و س ش ك فيلوسوفياسى دا وسى. اللەياعى جىل سايىن كەلۋدى جوسپارلاپ وتىرمىز. كەلگەن قوناقتار مەن دەلەگاتسيالاردى دا وسى اللەياعا اكەلەمىز»، - دەدى ا و س ش ك حاتشىلىعىنىڭ اتقارۋشى ديرەكتورى قايرات سارىباي اللەيانىڭ اشىلۋىندا.
قازاقستاننىڭ ەكولوگيالىق ۇيىمدارى قاۋىمداستىعىنىڭ باسقارما ءتوراعاسى ايگۇل سولوۆيەۆا اللەيانىڭ اشىلۋىن ەلوردانىڭ دامۋىنا قوسقان ەرەكشە ۇلەس دەپ باعالادى.
«بۇگىن اللەيانىڭ العاشقى اعاشتارى وتىرعىزىلدى. وعان 27 مەملەكەتتىڭ وكىلدەرى باس قوستى. اللەيانىڭ بەيبىتشىلىك جانە كەلىسىم سارايىنىڭ ماڭىندا اشىلۋى دا تەگىن ەمەس، وسىنداي شارالار ارقىلى مەملەكەتتەردىڭ ىنتىماعى ارتا تۇسەدى. بۇل - قالانى ودان ءارى كوگالداندىرۋعا ىنتالاندىراتىن، ەلوردامىزدىڭ دامۋىنا قوسقان ەرەكشە ۇلەس. الداعى ۋاقىتتا دا اعاش ەككەن ءاربىر مەملەكەت ەلشىلەرى اللەيادا سەرۋەندەپ، اعاشتاردى سۋارادى دەپ ويلايمىن»، - دەپ اتاپ ءوتتى ايگۇل سولوۆيەۆا.
ەلشىلەرگە اعاش وتىرعىزۋعا «جاس ۇلان» بالالار مەن جاسوسپىرىمدەر ۇيىمىنىڭ ەرىكتىلەرى كومەكتەسكەن.
«ءبىزدىڭ جۇمىسىمىزدىڭ ءبىر باعىتى - وسكەلەڭ ۇرپاققا ەكولوگيالىق تاربيە بەرۋ. سوڭعى ايدا ءبىز «تازا كولدەر»، «تازا ساياباق» اكسيالارىن وتكىزدىك، ەلىمىز بويىنشا 3,5 مىڭنان استام كوشەت وتىرعىزدىق، 80 مىڭنان استام جاستاردى ەكو- باعىتتا بىرىكتىردىك»، - دەپ اتاپ ءوتتى «جاس ۇلان» ءتوراعاسى دينارا ءسادۋاقاسوۆا.
اۆتور: ايجان سەرىكجان قىزى
