27 -ءساۋىر. قازاقپارات كۇنتىزبەسى

ەستە قالار وقيعالار

1994 -جىلى الماتىدا «ابىلاي حان» قورى قۇرىلدى. قور ءتوراعاسى بولىپ شوتا ءۋاليحانوۆ سايلاندى.

1996 -جىلى الماتىدا قازاقستان رەسپۋبليكاسى مەن رەسەي فەدەراتسياسىنىڭ پرەزيدەنتتەرى كاسپي تەڭىزى بويىنشا بىرلەسكەن مالىمدەمەگە قول قويدى. وندا قازاقستاننىڭ كاسپيدەگى مۇناي- گاز رەسۋرستارىن بارلاۋ جانە ءوندىرۋ جۇمىستارىن جۇرگىزۋ بويىنشا قۇقىعى جانە رەسەيدىڭ وسى سالاداعى ىنتىماقتاستىققا دايىندىعى كورسەتىلگەن.

2000 -جىلى الماتىدا ب ۇ ۇ- نىڭ ورتالىق ازيانىڭ ەكونوميكالارىنا ارنالعان ارناۋلى باعدارلاماسىن (س پ ە ك ا) تانىستىرۋ ءراسىمى بولدى. وعان قازاقستاننىڭ، قىرعىزستاننىڭ، تاجىكستاننىڭ، ب ۇ ۇ- نىڭ ەۋروپالىق ەكونوميكالىق كوميسسياسىنىڭ (ە ە ك)، سونداي- اق ب ۇ ۇ- نىڭ ازيا مەن تىنىق مۇحيتى وڭىرىنە ارنالعان ەكونوميكالىق جانە الەۋمەتتىك كوميسسياسىنىڭ (ە س ك ا ت و) دەلەگاتسيالارى قاتىستى. پرەزيدەنت ن. نازاربايەۆ باستاماشى بولعان بۇل ءىس- شارانىڭ باستى ماقساتى - ورتالىق ازيا مەملەكەتتەرىنىڭ ەكونوميكالىق دامۋ قارقىنىن جانە ەۋروپا مەن ازيانىڭ ەكونوميكاسىنا كىرىگۋىن جەدەلدەتۋ ماقساتىندا ولاردىڭ اراسىنداعى ىنتىماقتاستىقتى نىعايتا بەرۋ. باعدارلامانى تانىستىرۋ راسىمىندە ۇيىمداستىرۋ كەزەڭىنىڭ قورىتىندىسى شىعارىلىپ، تاياۋ جىلدارى ونى ىسكە اسىرۋدىڭ ناقتى ءىس- شارالارى بەلگىلەندى. باسقوسۋعا قاتىسقاندار س پ ە ك ا، ە ە ك جانە ەس ك ا ت و- عا قاتىسۋشى ەلدەرگە بىرلەسكەن مالىمدەمە قابىلداپ، سونىمەن باعدارلامانىڭ ماقساتى مەن مىندەتتەرىنە ىقىلاستىلىق قۋاتتالدى.

2010 -جىلى استانادا «كورمە» ورتالىعىندا ت م د- عا مۇشە مەملەكەتتەردىڭ ۇستازدارىنىڭ، ءبىلىم بەرۋ جۇيەسى قىزمەتكەرلەرىنىڭ I سەزى ءوتتى. وعان ارمەنيا، ازەربايجان، بەلارۋس، قازاقستان، قىرعىزستان، رەسەي جانە تاجىكستاننىڭ ءبىلىم بەرۋ جۇيەسىندەگى 500 ۇزدىك قىزمەتكەرى قاتىستى.

2011 -جىلى تۇركىتىلدەس مەملەكەتتەردىڭ پارلامەنتتىك اسسامبلەياسىنا ءتوراعالىق ازەربايجان رەسپۋبليكاسىنان قازاقستان رەسپۋبليكاسىنا رەسمي تۇردە ءوتتى.

2015 -جىلى قازاقستاندا العاش رەت حالىقارالىق فۋتبول جانە دوستىق كۇنى اتالىپ ءوتتى. وسىعان وراي الماتىداعى ورتالىق ستاديوندا «دوستىق ءۇشىن فۋتبول» جوباسىنىڭ بەلگىسى - دوستىق بىلەزىگىمەن الماسۋ سالتاناتتى ءراسىمى بولدى.

2017 -جىلى مەملەكەت باسشىسى نۇرسۇلتان نازاربايەۆ I ، Ⅱ دارەجەلى «ەل قورعانى» مەدالىن تاعايىندادى.

2017 -جىلى ق ر اقپارات جانە كوممۋنيكاتسيالار ءمينيسترى داۋرەن ابايەۆ باسپا، راديو- جانە ينتەرنەت- جۋرناليستيكا سالاسىندا «ۇركەر» العاشقى ۇلتتىق سىيلىعى تاعايىندالاتىنى تۋرالى جاريالادى.

2019 -جىلى بەيجىڭدە «ءبىر بەلدەۋ، ءبىر جول» اياسىندا ەكىنشى حالىقارالىق ىنتىماقتاستىق فورۋمى ءوتتى. فورۋم كەزىندە قازاقستاننىڭ تۇڭعىش پرەزيدەنتى ەلىمىزدىڭ يادرولىق قارۋسىزدانۋ جانە جاپپاي قىرىپ جوياتىن قارۋدىڭ تارالۋىن بولدىرماۋ ىسىندەگى جەتىستىكتەرىنە توقتالدى.

- ءبىز گەوساياسات پەن گەوەكونوميكادا كەيىنگە قالدىرۋعا بولمايتىن مىندەتتەردى شەشۋگە سەپتىگىن تيگىزەتىن جاھاندىق ارحيتەكتۋرانى قالىپتاستىرۋ ىسىنە الداعى ۋاقىتتا دا اتسالىسا بەرەمىز. مەنىڭ ويىمشا، مۇنى ء«ۇش د» جاڭا احۋالىن قالىپتاستىرۋ ارقىلى جۇزەگە اسىرۋعا بولادى. مۇنى «ءۇش ديالوگ» جۇرگىزۋ قاجەتتىگى دەپ تۇسىنگەن ءجون. ءبىرىنشىسى جاھاندىق دەڭگەيدى قامتيدى. بۇل – ا ق ش، رەسەي، قىتاي جانە ەۋروپا وداعى اراسىنداعى ديالوگ، - دەدى ەلباسى.

نۇرسۇلتان نازاربايەۆ ەكىنشى ديالوگتىڭ ەۋرازيا دەڭگەيىندە قاجەتتىگىن اتاپ ءوتتى. ونداعى ماقسات - ازياداعى ءوزارا ءىس- قيمىل جانە سەنىم شارالارى جونىندەگى كەڭەس پەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ الەۋەتىن بىرىكتىرۋ.

2020 -جىلى قازاقستاندا ەكسپورتتاۋشى قازاقستاندىق كاسىپورىندارعا كومەك كورسەتۋدىڭ ارنايى باعدارلاماسى - QAZTRADE ىسكە قوسىلدى. ول ساتىپ الۋشىلاردى ىزدەۋگە جانە كەلىسىمشارتتار جاساسۋعا دەيىن وتكىزۋ نارىقتارىن ىزدەۋگە كومەكتەسەدى.