قازاقپارات كۇنتىزبەسى: 27- شىلدە
ەستە قالار وقيعالار
2007-جىلى الماتىدا «ءومىر اللەياسى» سالتاناتتى تۇردە اشىلدى. اللەيادا ءومىردى بەينەلەيتىن، تۇمسىعىمەن بالانى الىپ ۇشىپ بارا جاتقان قۇتاننىڭ ءمۇسىنى تۇرعىزىلعان.
بۇل بەينەلەۋ ومىردە ۇلكەن اۋىرتپالىق كورىپ، تاعدىردىڭ تالكەگىنە تۇسكەن جاندارعا ارنالعان.
2011 -جىلى «قاز مۇناي گاز» ۇلتتىق كومپانياسى كورەيالىق كونسورتسيۋممەن بىرلەسىپ، تەڭىز بۇرعىلاۋ قوندىرعىسىن سالۋعا كىرىستى. سالتاناتتى ءراسىم ماڭعىستاۋ وبلىسى قۇرىق كەنتىندە ءوتتى.
2011 -جىلى ۆارشاۆادا «قوبىلاندى باتىر» ەپوسى پولياك تىلىندە جارىققا شىقتى. بۇل پولشاداعى ق ر ديپلوماتيالىق وكىلدىگىنىڭ 9-باسىلىمى.
2012 -جىلى ەلوردالىق جاس ءانشى نۇربول بالاپانوۆ ۋفا قالاسىندا وتكەن حالىقارالىق «ۋرال موڭو-2012» تۇركى جاستارى فەستيۆالىندە گران-پري جەڭىپ الدى.
نۇربول بالاپانوۆ - سەمەي قالاسىنىڭ تۋماسى، نۇر-سۇلتان قالاسىنداعى قازاق ۇلتتىق ونەر ۋنيۆەرسيتەتىنىڭ ستۋدەنتى.
2012 -جىلى ق ر ۇلتتىق بانكى «رەسپۋبليكانىڭ يگىلىگى» سەرياسىنان نومينالى 500 تەڭگەلىك «بايقوڭىر» ەستەلىك مونەتاسىن جانە «بانكنوتتاعى پورترەتتەر» سەرياسىنان نومينالى 500 تەڭگەلىك «ءسۇيىنباي» التىن مونەتاسىن اينالىمعا شىعاردى.
2014 -جىلى و ق و مەملەكەتتىك پەداگوگيكالىق ۋنيۆەرسيتەتىنىڭ ارحەولوگتار توبى ورداباسى اۋدانىندا كۇلتوبە قورىمىنان 2000 جىل بۇرىنعى قاڭلى مەملەكەتىنىڭ 12 تۇرعىنىنىڭ ءمايىتىن، تۇرمىس زاتتارىن، باعالى اشەكەيلەرىن تاپتى.
2016 -جىلى قازاقستان مونوپولياعا قارسى ورگانى ەكونوميكالىق ىنتىماقتاستىق جانە دامۋ ۇيىمىنىڭ باسەكەلەستىك جونىندەگى كوميتەتىنە مۇشە رەتىندە قابىلداندى.
2017 -جىلى مەكتەپتى 12 جاسىندا ءبىتىرىپ، ۇ ب ت- دان 117 بالل جيناعان الماتىلىق ۆۋندەركيند ابزال مىرزاش قازاقستان-بريتان تەحنيكالىق ۋنيۆەرسيتەتىنەن گرانت الدى. قازاقستاننىڭ 4 جەتەكشى ءبىلىم وشاعى وقۋشىنىڭ ۇلگەرىمى تۋرالى ەستىپ، وعان تەگىن ءبىلىم الۋدى ۇسىنعان. سولاردىڭ ىشىندە ق ب ت ۋ دا بولعان ەدى.
2017 -جىلى قازاقستاندا «114 جەدەل جەلىسىنىڭ» رەسمي سايتى (www.114.kz) ىسكە قوسىلدى. وندا ازاماتتار ءدىن سالاسىنا قاتىستى ونلاين-كەڭەس الا الادى.
سايتتا ءدىن سالاسىنداعى مەملەكەتتىك ساياسات تۋرالى وزەكتى اقپارات، دىنگە قاتىستى ماقالالار، سۇحباتتار مەن ساراپشىلاردىڭ پىكىرلەرى كورسەتىلگەن.
«114 جەدەل جەلىسى» - تەك قازاقستانعا عانا تيەسىلى ەمەس، سونداي-اق، ت م د ەلدەرى اراسىنداعى جالعىز باستاما.
2018 -جىلى تۇركىستان قالاسى جاڭا وبلىس ورتالىعى اتانعاندىقتان، تۇركىستاننىڭ 721745 گ ا جەرى، اتاپ ايتقاندا، 12 اۋىلدىق وكرۋگى كەنتاۋ قالاسىنىڭ قۇرامىنا كوشتى.
مۇنداي شەشىم قوس قالانى دامىتۋ ماقساتىندا قابىلدانىپ، مەملەكەتتىك ورگاندار تاراپىنان قولداۋعا يە بولدى.
2018 -جىلى حالىقارالىق كونكيمەن جۇگىرۋ فەدەراتسياسى (ا ع ى ل. International Skating Union - ISU) قازاقستان رەسپۋبليكاسى شورت-ترەكتەن الەم كۋبوگىنىڭ كەزەڭىن وتكىزۋ قۇقىعىنا يە بولعانىن رەسمي تۇردە راستادى.
كۋبوكتى وتكىزۋ ءۇشىن الماتى قالاسى تاڭدالدى. قازاقستان شورت-ترەكتەن الەم كۋبوگىنىڭ كەزەڭىن العاش رەت قابىلدادى.
