19:52, 22 - ماۋسىم 2020 | GMT +6
كوروناۆيرۋس: قازاقستاندا سيمپتومدى جانە سيمپتومسىز ناۋقاستار سانى 27 مىڭنان استى
نۇر- سۇلتان. قازاقپارات - ق ر د س م قوعامدىق دەنساۋلىق ساقتاۋ ۇلتتىق ورتالىعى جۇقپالى اۋرۋلاردىڭ الدىن الۋ دەپارتامەنتىنىڭ ديرەكتورى جۇمابەك بەكەنوۆ ەلدەگى ەپيدەميولوگيالىق احۋالدى باياندادى، دەپ حابارلايدى قازاقپارات ءتىلشىسى.
«قازىرگى تاڭدا قازاقستان رەسپۋبليكاسىندا 27541 COVID-19 جاعدايى تىركەلىپ وتىر. ونىڭ سيمپتومسىز ءتۇرى - 9809 ادامدا، سيمپتومدى ءتۇرى - 17732 ادامدا. سوڭعى تاۋلىكتە 1471 اۋرۋ تىركەلدى، ونىڭ 507 - سيمپتوممەن، 964- ءى - سيمپتومسىز»، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين بريفينگتە.
ونىڭ ايتۋىنشا، 10962 ادام نەمەسە اۋىرعانداردىڭ 62 پايىزى سىرقاتتان جازىلىپ شىقتى. «ەلىمىزدىڭ بارلىق ستاتسيونارلىق كارانتينىندە 1868 ادام، ءۇي كارانتينىندە - 11563 ادام جاتىر. COVID-19 اۋىرىپ، اۋرۋحانادا جاتقان ناۋقاستار سانى - 8052، ك ۆ ي جۇقتىرىپ، امبۋلاتوريالىق باقىلاۋدا 8472 ادام تۇر»، - دەدى جۇمابەك بەكەنوۆ.
اۆتور: ايجان سەرىكجان قىزى