اتاقتى 27 جاستاعى ءانشىنىڭ ءولىم الدىندا جازىپ قالدىرعان حاتى تابىلدى
استانا. قازاقپارات - وڭتۇستىك كورەيالىق «SHINee« توبىنىڭ ۆوكاليستى كيم-دجوحەن ولەر الدىندا اپكەسىنە قوشتاسۋ حاتىن جازىپ كەتكەن.
بۇل تۋرالى Lenta.ru اگەنتتىگىنە سىلتەمە جاساعان NUR. KZ حابارلايدى.
«ءوتىنىش، جىبەر مەنى. مەنىڭ قولىمنان كەلگەنىن ايتشى. بۇل سوڭعى «قوشتاسۋىم»» ، - دەلىنگەن حاتتا.
ءانشىنىڭ اپكەسى ءىنىسىنىڭ ءوز-وزىنە قول سالايىن دەپ جاتقانىن سەزىپ، ونىڭ ۇيىنە قۇتقارۋشىلار توبىن جىبەرەدى.
ارنايى قىزمەت وكىلدەرى كەلگەندە كيم-دجوحەن ەس-ءتۇسسىز جاتقان. ونى اۋرۋحاناعا جەتكىزگەنىمەن، دارىگەرلەر قۇتقارا المايدى.
27 جاستاعى ءانشىنىڭ ءولىمى تۋرالى دۇيسەنبى كۇنى بەلگىلى بولدى.
