استانالىق 27 ميلليون تەڭگە تۇراتىن كولىكتى ۇرلاپ، ۇستالىپ قالدى
قاراعاندى. قازاقپارات - استانا تۇرعىنى قاراعاندىدان 2015 -جىلى شىققان 27 ميلليون تەڭگە تۇراتىن «Lexus LХ 570» ماركالى كولىگىن ۇرلاپ كەتكەن.
قىمبات كولىك ءى ى م اكىمشىلىك پوليتسياسى كوميتەتى ءتوراعاسىنىڭ ورىنباسارى قىزمەتىن بۇرىن اتقارعان نيكولاي كالاشنيكوۆتىڭ ۇلىنا تيەسىلى بولعان، دەپ حابارلايدى «قازاقپارات» ح ا ا ءتىلشىسى.
جاس جىگىت باعالى كولىكتى شلاگباۋممەن قورشالعان كولىك تۇراعىنا قويعان. استانا قالاسىنىڭ تۇرعىنى قىمبات كولىكتى اڭدىعان. ول كولىكتىڭ جانە يەسىنىڭ تۇراتىن جەرىن دە بىلگەن. قاراعاندىعا بەلگىسىز سەبەپتەرمەن كەلگەن ول ءۇيدىڭ كىرەبەرىسىنە ەنىپ، كولىك تۇراعىنىڭ اۋماعىنان شىعاتىن پۋلتپەن باسقارىلاتىن شلاگباۋمدى بۇزعان. بۇل ۋاقىتتا ارنايى قۇرىلعىلارى بار ونىڭ سىبايلاسى Lexus-تى ايداپ تۇراقتان شىعىپ، استانا جول تارتقان.
الايدا، تاڭعى ساعات تورتتە ويانعان دجيپ يەسى تەرەزەنىڭ الدىنداعى ماشيناسىنىڭ جوقتىعىن بايقاپ، پوليتسياعا حابارلاسقان. ءبىر ساعاتتان كەيىن جول پوليتسياسىنىڭ قىزمەتكەرلەرى الاياقتى وساكاروۆسك اۋدانى ماڭىنان ۇستادى. ولار كولىكتى قۇجاتتارىن تەكسەرۋ ءۇشىن توقتاتقان، قىلمىسكەر قارسىلىق تانىتپاعان. ونىڭ قولىندا الدىن الا جاسالعان جالعان قۇجاتتار - تىركەلگەن مەملەكەتتىك نومەر، سونداي- اق، تەحنيكالىق مىنەزدەمەلەرى ۇرلانعان كولىكپەن سايكەس كەلەتىن «Lexus LХ 570» اۆتوكولىگىنىڭ تىركەلگەندىگى تۋرالى كۋالىك بولعان. زارداپ شەگۋشى كالاشنيكوۆ ايىپتالۋشىعا كەشىرىم بەرىپ، باس بوستاندىعىنان ايىرماۋىن سۇرادى. قاراعاندى قازىبەك بي اۋداندىق سوتىنىڭ سۋدياسى سايان اققوجين ونى ق ك- ءتىڭ 118-بابى 4-بولىمىندە كوزدەلگەن «ۇرلىق» بويىنشا كىنالى دەپ تانىدى.
