الماتى وبلىسىندا 27 مىڭعا جۋىق بالاعا ماتەريالدىق كومەك كورسەتىلدى

تالدىقورعان. قازاقپارات - الماتى وبلىسىندا «مەكتەپكە جول» اكسياسى اياسىندا 27 مىڭعا جۋىق بالاعا 268,3 ميلليون تەڭگەنىڭ ماتەريالدىق كومەگى كورسەتىلدى.
None
None

ونىڭ ىشىندە بيۋدجەتتىك قاراجات ەسەبىنەن 124 ميلليون تەڭگەگە جۋىق، ال دەمەۋشىلەر مەن مەتسەناتتار تاراپىنان 144 ميلليون تەڭگەدەن استام سوماعا جاردەم بەرىلدى. ال وتكەن جىلى وسى اكسيا شەڭبەرىندە وبلىس بويىنشا 51 مىڭنان استام وقۋشى جالپى سوماسى 427,7 ميلليون  تەڭگەگە ماتەريالدىق كومەك العان بولاتىن، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.

وبلىستىق ءبىلىم باسقارماسىنىڭ مالىمەنتىنشە، بيىلعى اكسيا «مەنىڭ تاڭداۋىم - بالالارعا كومەك كورسەتۋ» ۇندەۋىمەن وتۋدە. شاراعا اتسالىسۋشىلار قاتارى جىل ساناپ ارتىپ كەلەدى. اكسيا اياسىندا ارنايى رەيد ۇيىمداستىرىلىپ، مەكتەپكە بارماعان بالالاردى انىقتاۋ، سونداي-اق حالىقتىڭ الەۋمەتتىك قورعالماعان توبىنان شىققان بالالاردىڭ جاڭا وقۋ جىلىنا دايىن بولۋىنا، قاجەتتى كيىم- كەشەكپەن جانە قۇرال- جابدىقتارمەن قامتىلۋىنا قول ۇشىن سوزۋ جۇمىستارى جۇرگىزىلۋدە. وبلىستىق ءبىلىم باسقارماسى رەسپۋبليكالىق اكتسيانى وتكىزۋ بارىسىندا بالالارعا تۇراقتى جاردەمدەسىپ كەلە جاتقاندار قاتارىندا ءوڭىر كاسىپكەرلەرى، مەسەناتتار، «نۇر وتان» پارتياسى وكىلدەرى، ۇكىمەتتىك ەمەس ۇيىمدار، مەملەكەتتىك ورگاندار ۇجىمدارى جانە قاراپايىم تۇرعىنداردىڭ دا بار ەكەنىن ايتىپ، ولارعا العىس بىلدىرۋدە.

ايتا كەتۋ كەرەك، «مەكتەپكە جول» قايىرىمدىلىق اكسياسى 30 -قىركۇيەككە دەيىن جالعاسادى.

  

سوڭعى جاڭالىقتار