جەر شارىن ارالاپ شىققان العاشقى ايەل ادام 27 جاستا
ەگەر ءبىر عانا ادام الەمنىڭ 100 دەن استام مەملەكەتىندە بولعاندىعىن ەستىسەڭ، ودان دا تاڭعالاتىنىمىز ءشۇباسىز. ال الەمنىڭ 200 گە جۋىق مەملەكەتىندە بولعان، ياعني بۇكىل جەر شارىنداعى بارلىق مەملەكەتتى الەمدە العاشقى بولىپ ايەل ادام شارلاپ شىقتى دەسەك قانداي كۇيدە، قانداي سەزىمدە بولامىز؟ ونىڭ ۇستىنە، بۇل ايەل ادام - نەبارى 27 جاستاعى كاسساندرا دە پەكول (Cassandra De Pecol) ەسىمدى جاپ- جاس قىز.
كاسساندرا - ا ق ش- تىڭ كوننەكتيكۋت شتاتىنىڭ تۇرعىنى. 2015 -جىلدىڭ ماۋسىم ايىنان باستاپ الەمنىڭ 181 مەملەكەتىندە بولىپ قايتقان. ەگەر تاعى دا 40 كۇننىڭ ىشىندە 11 مەملەكەتكە ساياحاتتاپ بارا السا، ول گيننەس رەكوردتار كىتابىنا جەر بەتىن وتە قىسقا ۋاقىتتا ارالاپ شىققان رەكوردسمەن رەتىندە ەنگەلى وتىر. كاسساندرانىڭ ساياحاتى Expedition196 دەپ اتالادى. ول حالىقارالىق ينستيتۋتتىڭ ەلشىسى رەتىندە الەمنىڭ ءار ەلىنە بارىپ، اتالمىش ۇيىمدى تانىستىرىپ ءجۇر. كاسساندرانىڭ ارتىنان بىرگە ساياحاتتاماساق تا، ونىڭ Instagram پاراقشاسىندا بولىسكەن سۋرەتتەرىن جاريالاي الامىز.
كاسساندرا 2015 -جىلى العاشقى قادامىن تىنىق مۇحيتىنداعى ا ق ش مەملەكەتىنىڭ قاراماعىنا قارايتىن پالاۋ ارالدارىنا ساياحات قۇرۋدان باستاعان. كاسساندرا پەكول الەمنىڭ 196 مەملەكەتىندە بولعان العاشقى ايەل رەتىندە رەكوردسمەن بولعىسى كەلەدى. ەندەشە، حوش دەلىك! جول تىلەرىك! ەندى 40 كۇننىڭ ىشىندە 15 مەملەكەتتى ارالاپ شىعۋى كەرەك. ياعني، ءبىزدىڭ ەسەبىمىزدە، ءاربىر مەملەكەتكە كاسساندرا تەك 1 كۇنىن عانا ارناۋى كەرەك. ال قالعان كۇندەرىن ۇشاقپەن ۇشۋعا، ترانسپورتپەن جۇرۋگە ارنايدى.
قازىرگى ۋاقىتتا ساياحاتتىڭ شىعىنى 200000 ا ق ش دوللارىن قۇراعان. شىعىندى دەمەۋشەلىر وتەپ وتىر. ساياحاتشى قىز Instagram جەلىسىن اتالمىش ۇيىمدى جارنامالاۋ ءۇشىن ءارى وزىنە تەگىن تۇرعىن ءۇي ىزدەۋ ءۇشىن قولدانادى.
مۇندا ساياحاتشى قىز ارىستاننىڭ كۇشىگى - الانمەن سۋرەتكەن تۇسكەن.
ال مىنا جەردە كولورودا تاۋلارىندا شاڭعى تەۋىپ ءجۇر. كاسساندpانىڭ كۇندەلىكتى قۇرالى - كامەرا. بارلىق قازىرگى ساياحاتشىلاردىڭ سەرىگى وسى بەينەتاسپا عوي. بۇل - جولاۋشىمىزدىڭ ءجۇرىپ وتكەن تراەكتورياسى نەمەسە الەم كارتاسى.
Massaget.kz
