08:14, 27 - قاڭتار 2017 | GMT +5
اۋعانستاننىڭ سولتۇستىگىندە 27 بالا ءۇسىپ ءولدى
استانا. قازاقپارات - وتكەن ەكى كۇندە اۋعانستاننىڭ سولتۇستىگىندەگى جاۋزدجان پروۆينسياسى دارزاب اۋدانىندا قار مەن اياز سالدارىنان 27 بالا ءۇسىپ ءولدى.
بۇل تۋرالى اۋداننىڭ باسشىسى راحماتۋللاح حاشار ءمالىم ەتتى، دەپ حابارلايدى شينحۋا.
«دارزاب اۋدانىندا اۋىلدار مەن مەديتسينالىق ورتالىقتاردى بايلانىستىراتىن جولداردىڭ قالىڭ قار ءتۇسۋى سالدارىنان جابىلۋىنا بايلانىستى جازىقسىز 27 بالا كوز جۇمدى»، - دەدى حاشار.
ەلدىڭ كەيبىر اۋداندارىنداعى جاۋعان قاردىڭ بيىكتىگى 50 س م- دەن اسقان، ال بۇل ءوز كەزەگىندە اۋىلدار اراسىنداعى قوزعالىسقا قيىندىق تۋعىزىپ وتىر.
