اسكەري دارىگەرلەر سۋ-27 ۇشقىشىنىڭ جاي- كۇيىن اڭگىمەلەدى
«قازىرگى ۋاقىتتا سۋ-27 ۇشقىشى، مايور ادىلبەك ىسقاقوۆ اسكەري گوسپيتالدا جاتىر. اسكەري دارىگەرلەردىڭ ايتۋىنشا، ونىڭ جاعدايى قاناعاتتانارلىق، ەش جەرى سىنباعان»، - دەلىنگەن قازاقستان قورعانىس مينيسترلىگىنىڭ رەسمي مالىمدەمەسىندە.
قاقتىعىستىڭ سەبەپتەرى مەن ءمان- جايىن ق ر قورعانىس ءمينيسترى تاعايىنداعان كوميسسيا انىقتاۋدا. سونىمەن بىرگە، باس اسكەري پروكۋراتۋرا قىزمەتكەرلەرى دە تەرگەۋ جۇمىستارىن جۇرگىزۋدە. باس اسكەري پروكۋراتۋرا سۋ-27 جويعىشىنىڭ اپاتقا ۇشىراۋ فاكتىسى بويىنشا ق ر قىلمىستىق كودەكسىنىڭ 464-بابىندا كورسەتىلگەن قۇقىق بۇزۋشىلىق بويىنشا (ۇشۋ نەمەسە ۇشۋعا دايىندىق قۇقىقتارىن بۇزۋ) سوتقا دەيىنگى تەرگەۋدى باستادى.
«باس اسكەري پروكۋراتۋرانىڭ ارنايى پروكۋرورى س. ا. سىرلىبايەۆتىڭ جەتەكشىلىگىمەن تالدىقورعان گارنيزونىنىڭ اسكەري پوليتسيا ءبولىمىنىڭ جانە ق ر ءى ءى م وڭتۇستىك ايماقتىق اسكەري- تەرگەۋ باسقارماسىنىڭ قىزمەتكەرلەرىنەن جەدەل- تەرگەۋ توبى قۇرىلدى»، - دەپ حابارلادى باس اسكەري پروكۋراتۋرا.
