20:08, 21 - جەلتوقسان 2016 | GMT +5
تالدىقورعان ماڭىندا سۋ-27 ۇشاعى اپاتقا ۇشىرادى
تالدىقورعان. قازاقپارات - تالدىقورعان ماڭىندا سۋ-27 ۇشاعى اپاتقا ۇشىرادى، دەپ حابارلايدى قازاقپارات ءتىلشىسى.
قورعانىس مينيسترلىگىنىڭ وكىلى سەرىك بورانبايەۆتىڭ قازاقپارات تىلشىسىنە بەرگەن مالىمەتى بويىنشا، ۇشاق ناقتى تالدىقورعان قالاسىنا جاقىن قاي ايماقتا قۇلاعانى بەلگىسىز.
مينيسترلىكتىڭ رەسمي مالىمدەمەسىنە سايكەس، 21 - جەلتوقسان كۇنى تۇنگى جاعدايدا وقۋ ۇشۋىن ورىنداۋ كەزىندە اۆياتسيالىق قاقتىعىستىڭ سالدارىنان سۋ-27 ۇشاعى اپاتقا ۇشىرادى. ۇشقىش مايور ا. ىسقاقوۆ بارىنشا كۇش- جىگەرىن سالىپ، ۇشاقتى ەلدى مەكەننەن ءارى قاراي بۇرىپ جىبەردى. ودان كەيىن قارعىپ ءتۇسۋ ءادىسىن قولداندى. قازىرگى ۋاقىتتا ۇشقىشتىڭ جاعدايى قاناعاتتانارلىق.
قاقتىعىستىڭ سەبەپتەرى مەن ءمان- جايىن ق ر قورعانىس ءمينيسترى تاعايىنداعان كوميسسيا انىقتاۋدا. مايور ا. ىسقاقوۆتىڭ كۇندىزگى جانە تۇنگى ۋاقىتتاعى جالپى ۇشىپ ءوتۋى 556 ساعاتتى قۇرايتىنىن ايتا كەتكەن ءجون.
