گرۋزيا قازاقستانعا 27 ميلليون دوللار قارىزىن قايتارادى
بۇل تۋرالى بۇگىن ساۋدا-ەكونوميكالىق ىنتىماقتاستىق جونىندەگى قازاقستان- گرۋزيا ۇكىمەتارالىق كوميسسياسىنىڭ 8-وتىرىسىنان كەيىن ب ا ق وكىلدەرىنە سۇحبات بەرگەن گرۋزيا ۆيتسە-پرەمەرى ەكونوميكا جانە تۇراقتى دامۋ ءمينيسترى دميتري كۋمسيشۆيللي ايتتى.
«بۇگىن ءبىز قازاقستان الدىنداعى گرۋزيا قارىزىن وتەۋ تەتىكتەرىنە قاتىستى ۋاعدالاستىققا قول جەتكىزدىك. بۇل ماسەلە ۇزاق ۋاقىتتان بەرى جابىلماي كەلە جاتىر. ءبىز قازاقستان تاراپىنا قارىزدى جابۋعا قاتىستى ءوز تەتىكتەرىمىزدى ۇسىنىپ، ول ماقۇلداندى. ارينە، قازىرگى ۋاقىتتا بۇل ماسەلە بويىنشا مەملەكەتىشىلىك پروتسەدۋرا جۇرگىزۋىمىز قاجەت»، - دەدى ول.
ايتا كەتەرلىگى، گرۋزيا ۇكىمەتىنىڭ قازاقستان ۇكىمەتى الدىندا 27774000 ميلليون دوللار قارىزى بار. ەكى ەلدىڭ اراسىنداعى كەلىسىمگە سايكەس بۇل قارىز 1996-جىلدان باستاپ 10 جىلدىڭ ىشىندە وتەلۋى ءتيىس بولاتىن. الايدا، 2004-جىلدىڭ شىلدەسىنەن گرۋزيا تاراپى قارىز سىياقىسىن تولەۋدى دوعارىپ وتىر. ال نەگىزگى قارىز مۇلدەم وتەلگەن ەمەس.
اۆتور: مارلان جيەمباي
