ءۇندىستاندا بۇقا مەن سيىر تويىنا يەلەرى 27 مىڭ دوللار جۇمساعان - فوتو
جەرگىلىكتى اۋىلداردىڭ بىرىندە وتكەن تويعا 300 ادام كەلگەن.
مالدىڭ يەلەرى ءۇندىستان مەن سول ەلدىڭ ازاماتتارى ءۇشىن سيىردىڭ قانشالىقتى ماڭىزدى ءرول وينايتىنىن كورسەتكىسى كەلگەن ەكەن. مۇنىمەن قاتار، وسى ارەكەتتەرى ارقىلى مەملەكەت تەرريتورياسىندا سيىر مالىن سوعىم رەتىندە سويۋعا قارسىلىقتارىن بىلدىرمەك بولعان.
«كۇيەۋجىگىت پەن قالىڭدىقتىڭ» اتتارى - اردجۋن مەن پۋنام. تويعا كەلگەن حالىق مالداردى كولىككە مىنگىزىپ، ەل ارالاتقان.
قالىڭدىق يەسىنىڭ ايتۋىنشا، ول ونى ءوزىنىڭ تۋعان قىزىنداي كورەدى. «مەن سيىرلارمەن 30 جىلدان بەرى تۇرىپ كەلەمىن. سوندىقتان بۇل مالداردىڭ نە نارسەگە لايىق ەكەنىن اشىپ ايتىپ بەرە الامىن»، - دەيدى پۋنامنىڭ يەسى.
مەرەكەلىك جيىن ءۇندى داستۇرىنە ساي وتكەن.
وسىعان دەيىن ءۇندىستاننىڭ سولتۇستىگىندەگى ۋتتار- پرادەش شتاتىندا ەكى ءيتتىڭ تويى وتكەن بولاتىن. اتالعان تويعا 5000 ادام كەلگەن. تويعا جەرگىلىكتى ديدجەيدى شاقىرىپ، توي بىتكەن سوڭ يتتەردى ءتۇرلى گۇلمەن كومكەرىلگەن كولىكتە الىپ كەتكەن.
يندۋيزمدە سيىر مولشىلىق پەن جاقسىلىقتىڭ بەلگىسى. ءۇندىستاننىڭ كەرال، باتىس بەنگاليا شتاتتارىنان باسقا جەردە اتالعان مال ءتۇرىن ولتىرۋگە تىيىم سالىنعان.
Stan.kz
