پاۆلودارلىق بالعىن مۋزىكانتتار حالىقارالىق كونكۋرستا 27 ماراپاتتى جەڭىپ الدى
بۇل تۋرالى تۋرالى وبلىستىق ءبلىم باسقارماسىنىڭ مامانى بالجان ءادىلحانوۆا حابارلادى.
كونكۋرستا اسپاپتىق جانە ۆوكالدىق ورىنداۋشىلىقتا رەسەي، قازاقستان جانە موڭعوليا ەلدەرىنەن 500 دەن استام تالانتتى بالالار سىنعا ءتۇستى.
قازىلار القاسىنىڭ قۇرامىنا التاي ولكەسىنەن، نوۆوسىبىردەن، كراسنويارسكىدەن، التاي رەسپۋبليكاسىنان جانە قازاقستاننان جەتەكشى وقىتۋشىلار مەن مۋزىكانتتار كىردى. پاۆلودار وبلىسىنان قازىلار القاسىنىڭ قۇرامىندا كەشەن ديرەكتورى ۆيكتور دەنيسەنكو بولدى.
فەستيۆالعا پاۆلوداردان 60 ادام باردى. ولار مۋزىكالىق مەكتەپتىڭ وقۋشىلارى جانە كوللەدج ستۋدەنتتەرى، سونداي-اق 14 وقىتۋشى.
كونكۋرس- فەستيۆالدىڭ قازىلار القاسى پاۆلودارلىق مۋزىكانتتاردىڭ ورىنداۋشىلىق شەبەرلىگىن، بىلىكتى وقىتۋشىلار مەن كونسەرتمەيستەرلەردىڭ ءتيىمدى ەڭبەگىن جوعارى باعالادى. «حالىق اسپاپتارى» اتالىمىندا ەلىمىزدە جانە شەتەلدەردە ەسىمى جاقسى تانىس ولجاس نۇرلانوۆ І دارەجەلى ديپلومعا يە بولدى، «ۇرلەمەلى اسپاپتار» اتالىمىندا ءاليحان قاپايەۆ جەڭىمپاز اتاندى، «اكادەميالىق ءان سالۋ. سوليستەر» اتالىمىندا ايدانا ءشارىپوۆا ءبىرىنشى دارەجەلى ديپلومدى يەلەندى. «سيرەك كەزدەسەتىن حالىق اسپاپتارى» اتالىمىندا ولجا ىڭكار І دارەجەلى لاۋرەات اتاندى، «اسپاپتىق انسامبلدەر» اتالىمىندا داريا قازبەكوۆا مەن ولجاس نۇرلانوۆتىڭ ءدۋەتى ۇزدىك دەپ تانىلدى. «اكادەميالىق ءان سالۋدان» ۆيكتوريا مازۋر جانە قۇرامىندا ەكاتەرينا رومانەنكو، ۆيكتوريا مازۋر، داريا يسايەۆا، ايىم نەسىپباي بار ۆوكالدىق انسامبل جەڭىمپاز بولدى. كونكۋرستىڭ سالتاناتتى اشىلۋى مەن جابىلۋىندا التاي مادەنيەت جانە ونەر اكادەمياسىنىڭ رەكتورى ارنايى شاقىرعان قۇرامىندا ەرتىس سايىرحان، بەكزات ءسابيعانوۆ، ءانۋار قۇرمانعالي بار دومبىراشىلار توبى ونەر كورسەتتى. ولار جوعارى كاسىبي شەبەرلىكتەرى ءۇشىن كونكۋرستىڭ ارنايى گراموتاسىنا يە بولدى. گالا-كونسەرت باعدارلاماسىندا دا پاۆلودارلىقتار جاقسى ونەرىمەن تانىلدى. و. نۇرلانوۆ پەن «كاپريچچيو» سكريپكاشىلار ءانسامبلىنىڭ ونەرى كورەرمەندەردى ءتانتى ەتتى.
«مۇنداي كونكۋرستار ورىنداۋشىلىق ونەردىڭ ۇزدىك وتاندىق داستۇرلەرىن ساقتاپ، دامىتۋعا جانە ناسيحاتتاۋعا مۇمكىندىك بەرەدى»، - دەپ اتاپ ءوتتى مۋزىكالىق كەشەننىڭ ديرەكتورى ۆيكتور دەنيسەنكو. - ءبىزدىڭ بالالار، دارىندى بالالارعا ارنالعان مۋزىكالىق مەكتەپ-ينتەرناتتىڭ وقۋشىلارى مەن مۋزكالىق كوللەدجدىڭ ستۋدەنتتەرى كونكۋرستىڭ بارلىق اتالىمدارىندا دا جوعارى ورىنداۋشىلىق شەبەرلىكتەرىن كورسەتىپ، توپ جاردى».
