ماسكەۋدەگى جەڭىس مەرەيتويىنا 27 ەلدىڭ مەملەكەت جانە ۇكىمەت باسشىلارى كەلەدى
«بارلىعى 27 مەملەكەت پەن ۇكىمەت باسشىلارى كەلەدى»، - دەدى ول رەسەيلىك استاناعا مەرەكەلىك شارالارعا قاتىساتىن جوعارى مارتەبەلى شەتەلدىك قوناقتار جونىندە ايتا كەلىپ.
اتاپ ايتقاندا، ۋشاكوۆتىڭ ايتۋىنشا، 8-10- مامىر كۇندەرى مەرەكەلىك شارالارعا ماسكەۋگە ازەربايجان، ارمەنيا، بەلارۋس، قازاقستان، قىرعىزستان، تاجىكستان، تۇركىمەنيا، ابحازيا، وڭتۇستىك وسەتيا، ق ح ر، و ا ر، ءۇندىستان، بوسنيا مەن گەرتسەگوۆينا، ۆەنەسۋەلا، ۆەتنام، گەرمانيا، ەگيپەت، كيپر، ق ح د ر، ماكەدونيا، موڭعوليا، پالەستينا مەملەكەتى، سەربيا، چەحيا، زيمبابۆە كوشباسشىلارى كەلەدى. سونىمەن بىرگە شارالارعا ب ۇ ۇ باس حاتشىسى پان گي مۋننىڭ جانە يۋنەسكو باس ديرەكتورى يرينا بوكوۆانىڭ قاتىسۋى كۇتىلۋدە.
سونداي-اق رەسەي استاناسىنا شەتەلدىك مەملەكەتتەر مەن ۇكىمەتتەر باسشىلارى جىبەرگەن باسقا دا قۇرمەتتى قوناقتار كەلەدى. «اتاپ ايتقاندا، ۇلى بريتانيادان چەرچيللدىڭ نەمەرەسى، كونسەرۆاتيۆتىك پارتيادان پارلامەنت مۇشەسى؛ يتاليا، فرانسيا، موناكو كنيازدىگى جانە باسقا دا ەلدەردىڭ بىرنەشە سىرتقى ىستەر مينيسترلەرى، بولادى. بارلىعى 40 تان استام ادام، سونىڭ ىشىندە قورعانىس مينيسترلەرى بولماق»، - دەپ اتاپ كورسەتتى ۋشاكوۆ.
ول سونداي-اق ا ق ش- تان رەسەيدەگى ەلشىسى قاتىساتىنىن قوستى. بارلىق ەلشىلەر دە پارادقا جانە ر ف پرەزيدەنتىنىڭ قابىلداۋىنا شاقىرىلدى. سونىمەن قاتار توعىز ەل ماسكەۋدەگى جەڭىس پارادىنا وزدەرىنىڭ اسكەري قىزمەتشىلەرىن جىبەرەدى.
كرەمل وكىلى ماسكەۋدەگى جەڭىس كۇنىن مەرەكەلەۋگە ت م د ەلدەرىنىڭ، سوعىسقا قاتىسۋشى ەلدەردىڭ كوشباسشىلارىنا جانە رەسەيدىڭ ءبىرقاتار ارىپتەس ەلدەرىنە شاقىرۋ جىبەرىلگەنىن حابارلادى.
الايدا ماسكەۋگە بارلىق كوشباسشىلار بىردەي قاتىسا المايدى. «وكىنىشكە وراي، برازيليا پرەزيدەنتى جاقىندا عانا باسقا دا ىستەرگە بايلانىستى جۇمىس باستى بولۋى سەبەپتى قاتىسا المايتىنىن حابارلادى»، - دەدى ۋشاكوۆ.
