ەلىمىزدە 276 ەلدى مەكەندى سۋ باسۋ قاۋپى بار

نۇر-سۇلتان. قازاقپارت - بۇرىن ودان دا كوپ بولاتىن. ارنايى جول كارتاسى ىسكە اسقالى، سوڭعى 3 جىلدا 315 اۋىل قاۋىپتى اۋماقتار تىزىمىنەن شىعارىلعان، دەپ حابارلايدى «حابار 24».

قازىر وڭىرلەردە كوكتەمگى سۋ تاسقىنىنىڭ الدىن الۋ شارالارى باستالدى. قار شىعارۋ جانە ارىقتار مەن جاعالاۋلاردى تازالاۋ جۇمىستارى ءجۇرىپ جاتىر. اپاتتى قۇتقارۋ بولىمشەلەرىندە 10 مىڭ ادام مەن ەكى مىڭعا جۋىق تەحنيكا بار. بۇل تۋرالى توتەنشە جاعدايلار ءمينيسترىنىڭ ءبىرىنشى ورىنباسارى يبراگيم كۇلشىمبايەۆ ايتتى. وڭىرلەردە 22 تىكۇشاق، 300 دەن استام قايىق جانە 3 مىڭ ەۆاكۋاتسيالىق ورىن دايىن تۇر. ودان بولەك، 145 مىڭ توننا ينەرتتى زاتتار مەن 780 مىڭ قۇم تولى قاپشىق دايىندالعان. توتەنشە جاعداي قىزمەتى ناۋرىز ايىنىڭ باسىندا رەسپۋبليكالىق وقۋ- جاتتىعۋ وتكىزىپ، دايىندىقتى تاعى ءبىر پىسىقتاپ الماق.