شەتەلدەن ۇشىپ كەلگەن 276 جولاۋشى كارانتينگە جاتقىزىلدى
بۇل تۋرالى ق ر كولىكتەگى باس مەملەكەتتىك سانيتار دارىگەرى سادۋاقاس بايعابىلوۆ ايتتى، دەپ حابارلايدى قازاقپارات ءتىلشىسى.
«وسى جىلدىڭ 17-قازان كۇنى تۇندە 16 اۋە رەيسىمەن كەلگەن 1527 جولاۋشىنىڭ 1251 ى انىقتامامەن، 276 سى انىقتاماسىز جەتتى. ونىڭ ىشىندە نۇر-سۇلتان قالاسىنا 6 رەيسپەن كەلگەن 656 جولاۋشىنىڭ 528 ىندە انىقتاما بولدى، 128 ىندە انىقتاما بولمادى. الماتى قالاسىنا 9 رەيسپەن كەلگەن 764 جولاۋشىنىڭ 622 سىندە انىقتاما بولسا، 142 سىندە انىقتاما جوق بولىپ شىقتى. ال اقتاۋعا 1 رەيسپەن 107 جولاۋشى كەلدى. جولاۋشىلاردىڭ 101 ىندە انىقتاما بار، التاۋىندا جوق»، - دەدى ول.
ونىڭ دەرەگىنشە، ۇشىپ كەلگەن قازاقستان ازاماتتارىنىڭ 82 پايىزى پ ت ر انىقتامامەن ساپارعا شىققان.
«COVID-19 عا ارنالعان پ ت ر انىقتاماسى جوق قازاقستان ازاماتتارى پ ت ر تەست تاپسىرۋ ءۇشىن ەكى كۇندىك كارانتينگە ورنالاستىرىلدى»، - دەدى سادۋاقاس بايعابىلوۆ.
اۆتور: مارلان جيەمباي