باتىس قازاقستاندا 275 كوشەنىڭ اتاۋى وزگەردى
وبلىستىق تىلدەردى دامىتۋ باسقارماسىنىڭ باسشىسى ايگۇل مىڭبايەۆانىڭ ايتۋىنشا، سونىڭ ىشىندە 83- ءى - ورال قالاسىنىڭ ۇلەسىندە.
«بيىل ب ق و اكىمدىگى جانىنداعى وبلىستىق ونوماستيكا كوميسسيانىڭ ءۇش وتىرىسى جانە رەسپۋبليكالىق ونوماستيكا كوميسسياسىنىڭ قورىتىندىلارى بويىنشا 10 اۋدان (اقجايىق، بوكەي ورداسى، ءبورلى، جاڭاقالا، زەلەنوۆ، قازتالوۆ، سىرىم، تاسقالا، تەرەكتى، شىڭعىرلاۋ اۋداندارى) جانە ورال قالاسىنىڭ 275 كوشەسىنە، 14 شاعىن اۋدانعا، 6 ەلدى مەكەنگە، 2 سكۆەرگە، 1 الاڭعا اتاۋ بەرۋ نەمەسە قايتا اتاۋ بويىنشا وڭ قورىتىندى بەرىلدى.
وعان قوسا، قازاقستان رەسپۋبليكاسى ۇكىمەتىنىڭ 2018 -جىلعى 9 - شىلدەدەگى №413 قاۋلىسىمەن تاسقالا اۋدانىنىڭ 8 ءبىلىم بەرۋ ۇيىمى قايتا اتالدى. سىرىم، قازتالوۆ جانە شىڭعىرلاۋ اۋداندارىنداعى جاڭادان بوي كوتەرگەن شاعىن اۋداندارداعى كوشەلەر «استانا»، «استاناعا - 20 جىل» اتاۋلارىن يەلەندى»، - دەدى ايگۇل ادىلگەرەي قىزى.
ايتا كەتەيىك، وتكەن جىلى وبلىستىق ونوماستيكالىق كوميسسيا وتىرىسىنىڭ قورىتىندىسى بويىنشا اقجايىق، بوكەي ورداسى، جاڭاقالا، زەلەنوۆ، كازتالوۆ، سىرىم، تەرەكتى، شىڭعىرلاۋ اۋداندارى مەن ورال قالاسىنىڭ يدەولوگيالىق تۇرعىدان ەسكىرگەن نەمەسە جاڭادان بوي كوتەرگەن 127 كوشەسىنە، 1 شاعىن اۋدانعا جانە 4 ەلدى مەكەنگە «ماڭگىلىك ەل» يدەياسىنا ساي كەلەتىن اتاۋلار بەرىلگەن بولاتىن.
سونىمەن قاتار، ق ر ۇكىمەتىنىڭ 2017 -جىلعى 15 ماۋسىمداعى №368 قاۋلىسىمەن م. ىقسانوۆتىڭ ەسىمى جانىبەك كوللەدجىنە بەرىلسە، ق ر ۇكىمەتىنىڭ 2017 -جىلعى 15 - جەلتوقسانداعى №838 قاۋلىسىمەن وبلىستىق قازاق دراما تەاترىنا حاديشا بوكەيەۆانىڭ، وبلىستىق مادەنيەت جانە ونەر ورتالىعىنا قادىر مىرزا ءاليدىڭ، سىرىم اۋداندىق ورتالىقتاندىرىلعان كىتاپحانا جۇيەسىنە مۇقادەس ەسلامعالي ۇلىنىڭ جانە ورالداعى №30 جالپى ورتا مەكتەپكە حيۋاز دوسپانوۆانىڭ ەسىمدەرى بەرىلدى.
اۆتور: ەلجان ەرالى
