ءبىر اپتادا ماس بولىپ كولىك ايداعان 270 جۇرگىزۋشى ۇستالدى
«جۇرگىزۋشىلەردىڭ، اسىرەسە جولاۋشىلار تاسىمالىن جۇزەگە اسىراتىنداردىڭ اراسىندا اپاتتى تۇراقتاندىرۋ جانە كولىك ءتارتىبىن ارتتىرۋ ماقساتىندا رەسپۋبليكا اۋماعىندا «قاۋىپسىز جول» ايلىعى باستالعانىن بىلەسىزدەر. ءىس- شارانىڭ ءبىرىنشى اپتاسىندا جول ءجۇرىسىن قاداعالاۋ كەزىندە 46 مىڭنان استام جول ءجۇرىسى قاعيداسىن بۇزۋ دەرەگى اشكەرەلەندى. ونىڭ ىشىندە 270 جۇرگىزۋشى اۆتوكولىكتى ماس كۇيىندە باسقارعانى، 153- ءى قارسى جولاققا شىعىپ كەتكەنى، 7 مىڭنان استامى جىلدامدىق رەجيمىن ساقتاماعانى ءۇشىن جاۋاپكەرشىلىككە تارتىلعان. زاڭسىز قايتا جابدىقتاۋدىڭ 400-گە جۋىق دەرەگى جانە مانيەۆر جاساۋ ەرەجەلەرىن بۇزۋدىڭ 3 مىڭعا جۋىق دەرەگى انىقتالدى. سونداي- اق، جولاۋشىلاردى زاڭسىز تاسىمالداعان 60-تان استام جۇرگىزۋشى ۇستالدى»، - دەدى جاندوس مۇراتاليەۆ ءى ءى م باسپا ءسوز قىزمەتى الاڭىندا وتكەن بريفينگتە.
ونىڭ اتاپ وتۋىنشە، تەحنيكالىق اقاۋى بار، رەيس الدىنداعى تەحنيكالىق بايقاۋدان وتپەگەن كولىكتى پايدالانۋعا شىعارعانى، سونداي- اق جولاۋشىلاردى اۆتوكولىكپەن تاسىمالداۋ كەزىندە جۇرگىزۋشىنى مەديتسينالىق تەكسەرۋدەن وتكىزبەي كولىك باسقارۋعا جىبەرگەنى ءۇشىن 48 كاسىپكەرلىك سۋبەكتىسى اكىمشىلىك جاۋاپكەرشىلىككە تارتىلدى «40-قا جۋىق رۇقسات ەتىلمەگەن تۇراق انىقتالدى.
ودان بولەك، اتالعان ۋچاسكەلەردەگى قوزعالىس قاۋىپسىزدىگىنىڭ دەڭگەيىن ارتتىرۋ ءۇشىن اۆتوجولداردىڭ اپاتتىق قاۋىپتى ۋچاسكەلەرىنە قوسىمشا تەكسەرۋ جۇرگىزىلدى. ناقتىراق ايتقاندا، اۆتوموبيل جولدارىنا 1,2 مىڭ تەكسەرۋ جۇرگىزىلىپ، 20 قاۋىپتى ورىن انىقتالدى. جولدى كۇتىپ ۇستاۋداعى كەمشىلىكتەردى جويۋ ءۇشىن 749 ۇيعارىم بەرىلدى. جولدى كۇتىپ ۇستاۋعا جاۋاپتى تۇلعالارعا قاتىستى 476 اكىمشىلىك حاتتاما تولتىرىلدى. قوسىمشا 350-گە جۋىق جول بەلگىسى ورناتىلدى»، - دەدى ول.
اۆتور: مارلان جيەمباي
