قاڭتار قاسىرەتى: 270 ادامعا كۇزەتپەن ۇستاۋ ەمەس بۇلتارتپاۋ ءىس-شاراسى قولدانىلدى
بۇل تۋرالى ق ر قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، قاڭتار وقيعاسىنا قاتىستى اۋىر جانە اسا اۋىر قىلمىستار جاساعانى ءۇشىن ايىپتالعان ادامدار عانا تەرگەۋ يزولياتورىنا قامالعان «تەرگەۋ جانە پروكۋراتۋرانىڭ باستاماسىمەن سوتتار كۇدىكتىلەردىڭ جاساعان قىلمىسىن، جەكە باسىن، جاسىن ەسكەرە وتىرىپ، 270 ادامعا كۇزەتپەن ۇستاۋعا بايلانىستى ەمەس بۇلتارتپاۋ ءىس-شارالارىن قولداندى. ول: ءۇيقاماق، ەشقايدا كەتپەۋ تۋرالى قولحات. بۇل ناتيجە تەرگەۋ جانە پروكۋراتۋرا ورگاندارىنىڭ قىلمىستىق ىستەر ماتەريالدارىن مۇقيات زەرتتەۋى بارىسىندا مۇمكىن بولدى. زاڭدى ساقتاۋدى جانە ادامدار قۇقىقتارىنىڭ قورعالۋىن تەك قىلمىستىق ىستەردى تەرگەگەندە عانا ەمەس، قاماۋدا ۇستاۋ جاعدايلارىنا قاتىستى دا قامتاماسىز ەتۋ وتە ماڭىزدى»، - دەدى ءتوراعا ورىنباسارى ىشكى ىستەر مينيسترلىگىنىڭ باسپا ءسوز قىزمەتى الاڭىندا وتكەن بريفينگىدە.
اۆتور: مارلان جيەمباي
