وڭتۇستىك قازاقستاندا 2707 ەتنيكالىق قازاققا ورالمان مارتەبەسى بەرىلدى

ودان بولەك اۋدانداردا 7 كۇندىزگى قاتىناۋ ءبولىمى جۇمىس جاسايدى. بۇگىن بۇل تۋرالى و ق و وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مۇحيت وتارشيەۆ ءمالىم ەتتى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.

«ايتا كەتەرلىگى، جاڭا فورماتتاعى اتاۋلى الەۋمەتتىك كومەك. ونىڭ قازىرگى الەۋمەتتىك تولەمدەردەن باستى ايىرماشىلىعى، ول تۇرمىسى تومەن ازاماتتارعا نەمەسە وتباسىلارعا كورسەتىلەتىن قولداۋدىڭ ءۇش ءتۇرىن ءبىر پاكەتپەن ۇسىنۋ بولىپ تابىلادى. ولار: اتاۋلى الەۋمەتتى كومەكتى تولەۋ، مەملەكەت تاراپىنان جۇمىسقا تۇرۋعا جاردەمدەسۋ جانە الەۋمەتتىك بەيىمدەۋ شارالارىمەن قامتاماسىز ەتۋ. جاڭا فورماتتاعى كومەك تابىسى ەڭ تومەنگى كۇنكورىس دەڭگەيىنىڭ 50 پايىزىنان تومەن وتباسىلارعا نەمەسە ازاماتتارعا شارتسىز نەمەسە شارتتى اقشالاي كومەك تۇرىندە تاعايىندالادى»، - دەدى مۇحيت وتارشەۆ.

سونداي-اق، باسقارما باسشىسىنىڭ ايتۋىنشا، 8530 مۇقتاج ازامات ارناۋلى الەۋمەتتىك قىزمەتپەن قامتىلعان. 2017 -جىلى مەملەكەتتىك الەۋمەتتىك تاپسىرىس شەڭبەرىندە رەسپۋبليكالىق بيۋدجەت ەسەبىنەن 155,6 ميلليون تەڭگەگە 8 ۇكىمەتتىك ەمەس ۇيىم 700 مۇقتاج ازاماتتارعا ارناۋلى الەۋمەتتىك قىزمەتتەردى ۇسىنعان. سونىمەن قاتار، وبلىستا زەينەتكەرلەر سانى 233850 ادامعا جەتىپ وتىر. بۇل وبلىس حالقىنىڭ 8 پايىزىن قۇرايدى.

بۇدان بولەك، وبلىستىق جانە جەرگىلىكتى بيۋدجەتتەر ەسەبىنەن زەينەتكەرلەرگە قولداۋ كورسەتۋ باعىتىندا ءبىرقاتار شارالار قابىلدانعان. ونىڭ شەڭبەرىندە جىل سايىن 8 مىڭ زەينەتكەر باسقارماعا قاراستى «ارداگەرلەر» جانە «مەيىر ارداگەرلەر» ۇيلەرىندە ساۋىقتىرۋ شارالارىمەن قامتاماسىز ەتىلەدى.