ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە 2700 گرانت يەگەرى ءبىلىم الادى

499 «التىن بەلگى» يەگەرلەرى مەن 231 حالىقارالىق، رەسپۋبليكالىق جانە پرەزيدەنتتىك وليمپيادالار، عىلىمي جانە سپورتتىق جارىس (ەل بويىنشا ەڭ جاقسى كورسەتكىش) جەڭىمپازدارى استانا تورىندەگى ۇلتتىق جوعارى وقۋ ورنىندا ءبىلىم الاتىن بولدى، دەپ حابارلايدى وقۋ ورنىنىڭ باسپا ءسوز قىزمەتى.
وعان قوسا، ەۋرازيا ۇلتتىق ۋنيۆەرسيتەتىن 254 اۆتونومدى ءبىلىم بەرۋ ۇيىمدارىنىڭ تۇلەكتەرى مەن 1307 ءبىلىم بەرۋ گرانتىن الۋعا ارتىقشىلىق قۇقىعى جوق تۇلعالار تاڭدادى.
گرانتقا اۋىلدىق كۆوتا بويىنشا تۇسكەندەر سانى 362 ادامدى قۇرادى. جەتىم بالالار مەن اتا- اناسىنىڭ قامقورلىعىنسىز قالعان بالالار 33 ورىن، 1 جانە 2 - توپتاعى مۇگەدەكتەرگە، بالا كەزىنەن مۇگەدەكتەرگە، مۇگەدەك بالالار ءۇشىن 12 ورىن بولىنگەن. سونىمەن قاتار گرانتتىقتاردىڭ ىشىندە قازاق دياسپوراسىنىڭ 30 وكىلى دە بار.
ە ۇ ۋ- عا تيەسىلى مەملەكەتتىك ءبىلىم بەرۋ گرانت سانىنىڭ كوبىسى تەحنيكالىق جانە تەحنولوگيالىق ماماندىقتار جالپى گرانت سانىنىڭ % 68 قۇرايدى. رەسپۋبليكا كولەمىندە العاندا بۇل كورسەتكىش مەملەكەتتىڭ تەحنيكالىق ءارى تەحنولوگيالىق ماماندىقتارعا بولگەن گرانت ساندارىنىڭ 14 پايىزىن قۇرايدى، بۇل سالىستىرمالى تۇردە العاندا ەڭ جوعارى كورسەتكىش بولىپ سانالادى.
ل. ن. گۋميليەۆ اتىنداعى ە ۇ ۋ ۇدەمەلى يندۋستريالدى- يننوۆاتسيالىق دامۋ مەملەكەتتىك باعدارلاماسى - 2 ورىنداۋىنىڭ شەڭبەرىندە ۇكىمەتتىك شەشىمنىڭ نەگىزىندە 10 بازالىق جوعارى وقۋ ورىندارى تىزىمىنە كىرەدى جانە «قۇرىلىس ماتەريالدارىن، بۇيىمدارىن جانە كونسترۋكتسياسىن ءوندىرۋ»، «عارىشتىق تەحنيكا مەن تەحنولوگيالار» ماماندىقتارى بويىنشا بولاشاق مامانداردى دايارلاۋدا اتسالىسىپ كەلەدى.
جوعارى وقۋ ورىن باسشىلىعى بيىل ستۋدەنتتىك جاستاردىڭ ساپالىق قۇرامىنا دا ەرەكشە كوڭىل ءبولدى. قۇقىق تانۋ، حالىقارالىق قۇقىق، حالىقارالىق قاتىناستار، ەكونوميكا، قارجى، ەسەپ جانە اۋديت، مەنەدجمەنت ماماندىقتارى بويىنشا ءوتۋ ۇپايى 70-تەن 80 بالعا دەيىن ءوستى.