لەبرون دجەيمس ۇلتتىق باسكەتبول تاريحىندا 27000 ۇپاي جيناعان ەڭ جاس ويىنشى اتاندى

استانا. قازاقپارات - ۇلتتىق باسكەتبول قاۋىمداستىعىنىڭ كلۋبى - «كليۆلەند" شابۋىلشىسى لەبرون دجەيمس سىرت الاڭدا "ۆاشينگتونمەن" وتكىزگەن ماتچتا 11 ۇپاي جيناپ، ۇ ب ق تاريحىندا 27000 ۇپاي ەنشىلەگەن ەڭ جاس ويىنشى اتاندى، دەپ حابارلايدى ت ا س س.

بۇگىنگى كۇنى 31 جاستاعى باسكەتبولشىنىڭ ەسەبىندە 27004 ۇپاي بار. ۆاشينگتونداعى ويىن كۇنى دجەيمس 31 جاس جانە 317 كۇنگە تولدى. سونىمەن، ول 32 جاس جانە 160 كۇنگە تولعان كەزدە 27000 ۇپاي جيناعان "لوس- اندجەلەس لەيكەرس" كلۋبىنىڭ اتاقتى باسكەتبولشىسى كوبي برايانتتى باسىپ وزدى.

ەسكە سالا كەتسەك، برايانت وتكەن ماۋسىمنىڭ سوڭىندا ءوزىنىڭ كاسىبي سپورتتىق جولىن اياقتاعان بولاتىن.