شىعىس قازاقستاندا ءبىر جىلدا جول-كولىك وقيعالارى 27,5 پايىزعا ازايدى
شىعىس قازاقستان وبلىستىق پوليتسيا دەپارتامەنتىنىڭ باستىعى سەرىك جۇنىسبەكوۆتىڭ توراعالىعىمەن ۇجىمنىڭ قورىتىندى جينالىسى ءوتتى. وندا 2022 -جىلدىڭ قورىتىندىسى شىعارىلىپ، بيىلعا قويىلعان نەگىزگى مىندەتتەر تالقىلاندى.
«ءوڭىر بويىنشا قىلمىس سانى 20,5 پايىزعا تومەندەپ وتىر. وتكەن جىلى ەسىرتكىگە قارسى ءىس- قيمىل جونىندەگى جۇمىستىڭ ناتيجەسىندە، قۇقىق قورعاۋ ورگاندارى 142 ەسىرتكى قىلمىسىن انىقتادى. زاڭسىز اينالىمنان 105 كەلى ەسىرتكى تاركىلەنگەن. سوڭعى ءبىر جىلدا ش ق و-دا جول- كولىك وقيعالارىنىڭ تومەندەگەنى بايقالدى. ناقتى ايتقاندا، 2021 -جىلمەن سالىستىرعاندا 27,5 پايىزعا ازايعان»، - دەيدى سەرىك جۇنىسبەكوۆ.
ونىڭ ايتۋىنشا، جۇمىستاعى نەگىزگى باعىت - ازاماتتاردىڭ قاۋىپسىزدىگى مەن حالىقتىڭ پوليتسياعا دەگەن سەنىمىن ارتتىرۋ.
كەڭەس سوڭىندا جەكە قۇرامعا جەدەل قىزمەتتىك جۇمىس كورسەتكىشتەرىن جاقسارتۋ بويىنشا ناقتى مىندەتتەر قويىلدى.
