گرەكياداعى ورمان ورتىنەن قازا بولعاندار سانى 26 ادامعا جەتتى

None
Фото: Pixabay
افينى. قازاقپارات - گرەكيانىڭ سولتۇستىك- شىعىسىنداعى داديا ۇلتتىق ساياباعىندا ورمان ورتىنەن كەيىن 26 ادامنىڭ ءمايىتى تابىلدى، دەپ حابارلايدى قازاقپارات Euronews كە سىلتەمە جاساپ.

سيرەك كەزدەسەتىن قۇستاردىڭ ۇيا سالاتىن جەرى رەتىندە بەلگىلى قورىق ارقىلى زاڭسىز ميگرانتتاردىڭ باعىتى وتەدى.

ورمان ءورتىنىڭ ەكىنشى تولقىنىنىڭ تاعى ءبىر قۇربانى بەوتياداعى قارت شوپان بولدى.

«ءورت سوندىرۋشىلەر الەكساندرۋپوليستەگى اۆانت اۋدانىندا لاشىق جانىنان 18 ادامنىڭ دەنەسىن تاپتى. جاقىن ماڭداعى اۋدانداردان تۇرعىنداردىڭ جوعالىپ كەتۋى تۋرالى ەشقانداي مالىمدەمە تۇسپەگەنىن ەسكەرگەندە، بۇل ەلگە زاڭسىز كىرگەن ادامدار. كەشەدەن بەرى بۇكىل اۋدان بويىنشا ەۆاكۋاتسيالاۋ تۋرالى 112 حابارلاما جىبەرىلدى»، - دەپ مالىمدەدى گرەكيانىڭ ءورت ءسوندىرۋ دەپارتامەنتىنىڭ وكىلى ياننيس ارتوپيوس.

سەيسەنبىدە گرەك ءورت ءسوندىرۋ ءبولىمى افينى قالاسىنىڭ سولتۇستىگىندەگى مىڭداعان تۇرعىنداردى ەۆاكۋاتسيالاۋعا بۇيرىق بەردى. انو ليوسيادا 25 مىڭعا جۋىق ادام تۇرادى. جەرگىلىكتى بيلىك كورشىلەس فيلي اۋدانىندا ۇيلەر ورتەنگەن سوڭ ادامداردى ءقاۋىپتى جەرگە شىعارۋعا شەشىم قابىلدادى.

گرەكيانىڭ سولتۇستىك- شىعىسىنداعى ەۆيا مەن كيفنوس ارالدارى، سونداي- اق افينىدىڭ سولتۇستىگىندەگى بوەوتيا جالىنعا ورانعان. پەلوپوننەس پەن ەلدىڭ باتىسى دا ورتەنىپ جاتىر.

دەمالىس كۇندەرى ەلدە ونداعان ءورت شىعىپ، مىڭداعان تۇرعىن ەۆاكۋاتسيالاندى. ءورت ەڭ قاتتى تارالعان ايماق ەلدىڭ سولتۇستىك- شىعىسىنداعى الەكساندرۋپوليس پورتىنىڭ جانىندا، تۇركيا شەكاراسىنا جاقىن جەردە ورنالاسقان. ونداعى جالىن بىرنەشە كۇننەن بەرى ءورشىپ كەلەدى. قالا ماڭىنداعى 13 ەلدى مەكەننىڭ تۇرعىندارى ەۆاكۋاتسيالاندى.

بۇعان دەيىن گرەكيا بيلىگى ادەتتەن تىس جوعارى اۋا تەمپەراتۋراسى مەن قاتتى جەل ءورت سانىن كوبەيتۋى مۇمكىن دەپ مالىمدەگەن.


سوڭعى جاڭالىقتار