قازاقستان قۇتقارۋشىلارى تۇركيادا ۇيىندىدەن 26 ادامدى الىپ شىقتى، جەتەۋى - امان
ق ر ت ج م- نىڭ باسپا ءسوز قىزمەتىنەن ءمالىم ەتكەندەي، قۇتقارۋشىلاردىڭ جۇمىسىن كوپتەگەن ءۇيىندى، ولاردىڭ جىلجىپ كەتۋ قاۋپى كۇردەلەندىرۋدە.
بۇگىنگى تاڭدا قازاقستان ماماندارى 7 ادامدى قۇتقارىپ، مەديتسينا قىزمەتكەرلەرىنە تاپسىردى. قايتىس بولعان 19 ادامنىڭ، ونىڭ ىشىندە ءبىر بالانىڭ دەنەسى ءۇيىندى استىنان شىعارىلدى.
قازاقستان ت ج م اپاتتار مەديتسيناسى ورتالىعىنىڭ دارىگەرلەرى زارداپ شەككەن ادامدارعا تاۋلىك بويى العاشقى مەديتسينالىق كومەك كورسەتىپ جاتىر.
«گازيانتەپ قالاسىندا پنيەۆموكاركاستى مودۋل نەگىزىندە مەديتسينالىق بەكەت ورناتىلدى، ول جەكە قۇرامدى جىلىتۋ ءۇشىن دە قولدانىلادى. ت ج سالدارىنان زارداپ شەككەندەرگە، قۇتقارۋشىلارعا، سونداي- اق زارداپ شەككەندەردىڭ تۋىستارى مەن جاقىندارىنا شۇعىل كومەك كورسەتۋ ءبىزدىڭ نەگىزگى مىندەتىمىز بولىپ تابىلادى. كۇنىنە ورتا ەسەپپەن 35-تەن استام زارداپ شەككەن ادام مەديتسينالىق كومەككە جۇگىنەدى. ولاردىڭ ىشىندە سترەسستىڭ جەدەل رەاكسياسىمەن، تىنىس الۋ جولدارىنىڭ اۋرۋلارىمەن، سونداي- اق ءارتۇرلى جاراقاتتارمەن بايلانىستى اۋرۋلار باسىم. كۇن سايىن جەكە قۇرامنىڭ جىلىتۋ پۋنكتىنە زارداپ شەككەندەردىڭ تۋىستارى مەن جاقىندارى، ورتا ەسەپپەن 40-50 ادام كىرىپ جىلىنادى. اپاتتار مەديتسيناسى ورتالىعىنىڭ مەديتسينالىق پۋنكتى مەن مەديتسينالىق قىزمەتى بارلىق قاجەتتى مەديتسينالىق جابدىقتارمەن، دارىلىك زاتتارمەن قامتاماسىز ەتىلگەن. شۇعىل جانە كەزەك كۇتتىرمەيتىن مەديتسينالىق كومەك كورسەتۋ تارتىبىندە جەرگىلىكتى ورگاندارمەن ءوزارا ءىس- قيمىل جاسايمىز»، - دەپ ق ر ت ج م اپاتتار مەديتسيناسى ورتالىعى الماتى قالاسى بويىنشا فيليالىنىڭ باسشىسى جازىلباي قوزىباحوۆ ايتتى.
تۇركياعا جەتكەن قازاقستاندىق قۇتقارۋشىلاردىڭ ءبىرىنشى ەشەلونىنا ىزدەستىرۋ- قۇتقارۋ جۇمىستارىن جۇرگىزۋ اۋدانى رەتىندە - گازيانتەپ قالاسى بەكىتىلدى. قازىر مۇندا ماماندار تاۋلىك بويى ەكى اۋىسىمدا ءۇش ۋچاسكەدە جۇمىس جاساۋدا.
قۇتقارۋشىلاردىڭ ءبىرىنشى توبى تولىعىمەن قيراعان توعىز قاباتتى عيمارات ۇيىندىسىندە جۇمىس جۇرگىزۋدە. بۇل جەردە 4 ادام قۇتقارىلدى، قازا تاپقان 4 ايەلدىڭ دەنەسى شىعارىلدى.
قۇتقارۋشىلاردىڭ ەكىنشى توبى التى قاباتتى عيماراتتا جۇمىس جاساپ جاتىر. عيمارات ءىشىنارا قيراعان، تىرەك قۇرىلىمدارىنىڭ بۇزىلۋىنان تولىق قۇلاۋ قاۋپى بار. ينجەنەرلىك تەحنيكانىڭ كومەگىمەن نىساننىڭ 3-قاباتىنا دەيىن دەمونتاج جۇرگىزىلدى، ۇيىندىلەر اراسىنان ادامداردى ىزدەپ- تابۋ جالعاسۋدا. مۇندا قايتىس بولعان 6 ادامنىڭ دەنەسى شىعارىلدى.
ءۇشىنشى توپ تا التى قاباتتى عيماراتتا جۇمىس جۇرگىزۋدە. عيمارات تولىعىمەن قيراعان. ۇيىندىلەر اراسىنان قازا بولعان 4 ادامنىڭ دەنەسى شىعارىلدى.
مينيسترلىك اقپاراتىنا سايكەس، قازاقستان ت ج م قۇتقارۋشىلارىنىڭ ەكىنشى ەشەلونى تۇركياعا جەتكەن ساتتەن باستاپ ىزدەستىرۋ- قۇتقارۋ جۇمىستارى تاۋلىك بويعى رەجيمگە كوشىرىلدى. ەكىنشى ەشەلون ءۇشىن ىزدەۋ ورنى نۋرداگى قالاسىنداعى تولىعىمەن قيراعان عيمارات بەكىتىلدى. ول گازيانتەپ قالاسىنان 69 شاقىرىم جەردە ورنالاسقان. بۇل نىساندا قازاقستاندىق قۇتقارۋشىلار ادامداردىڭ ورنالاسقان جەرى مەن جاي- كۇيىن انىقتاۋ، ۇيىندىلەر استىندا زارداپ شەككەندەرمەن اۋديو بايلانىس ورناتۋ، قاجەتتى كومەكتىڭ كولەمى مەن سيپاتىن انىقتاۋ بويىنشا جۇمىستارىن جۇرگىزدى.
قازاقستان قۇتقارۋشىلارىنىڭ جەدەل جانە ساۋاتتى ءىس- قيمىلىنىڭ، سونداي- اق زارداپ شەككەندەردى بلوكتان شىعارۋ بويىنشا ۋاقتىلى قابىلداعان شارالارىنىڭ ارقاسىندا ۇلكەن تەرەڭدىكتەگى ۇيىندىلەر استىنان زارداپ شەككەندەردى ەۆاكۋاتسيالاۋعا ارنالعان «جول» سالىنىپ، ءۇش ادام - ەر ادام مەن ەكى ايەل امان شىعارىلدى. ادامدار دەرەۋ مەديتسينا قىزمەتتەرىنە جەتكىزىلدى. قايتىس بولعان تاعى ءبىر ادامنىڭ دەنەسى تابىلدى.
سونىمەن قاتار مەملەكەت باسشىسىنىڭ تاپسىرماسى بويىنشا حاتاي ەلدى مەكەنىنە قۇتقارۋشىلار توبى جانە كينولوگيالىق ەسەپتوپتار جىبەرىلدى. ىزدەۋ وبەكتىسى - تولىعىمەن قيراعان التى قاباتتى ءۇي. وسى وبەكتىدە 9-10- اقپاندا قيراندى استىنان كوز جۇمعان ءۇش ادامنىڭ دەنەسى شىعارىلدى، ونىڭ ءبىرى - قازاقستان ازاماتى، ەكەۋى - تۇركيا ازاماتى.
ەسكە سالايىق، قازاقستان قۇتقارۋشىلارى مىنگەن بورت 7 -اقپان كۇنى گازيانتەپكە اتتانعان بولاتىن. ماماندارىمىزدىڭ ەكىنشى توبى گازيانتەپكە 8- اقپان كەشقۇرىم جەتتى.
رەداكتور
گۇلميرا الياكپاروۆا