باتىس قازاقستاندا جۇك پويىزى 26 جاستاعى قىزدى قاعىپ كەتتى
ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا 29 - قىركۇيەك كۇنى ءبورلى اۋدانى اۋماعىندا بولدى. ساعات 13.52-دە قازاقستان ستانسياسىندا 1995 -جىلعى قىز جۇك پويىزىنىڭ استىنا تۇسكەن. سونىڭ سالدارىنان ول وقيعا ورنىندا كوز جۇمدى. ق ر ءى ءى م كولىكتەگى پوليتسيا دەپارتامەنتىنىڭ باسپا ءسوز قىزمەتى اتالعان دەرەك بويىنشا ورال ستانسياسىنداعى جەلىلىك پوليتسيا بولىمىندە ق ر ق ك 344-بابى 2-بولىگىنە (ابايسىزدا ادام ولىمىنە اكەپ سوققان تەمىرجول كولىگى قوزعالىسىنىڭ قاۋىپسىزدىك قاعيدالارىن بۇزۋ) سايكەس سوتقا دەيىنگى تەرگەۋ امالدارى باستالعانىن جەتكىزدى.
قازىرگى كەزدە ءىس بويىنشا قاجەتتى تەرگەۋ امالدارى جۇرگىزىلۋدە.
ەسكە سالا كەتەيىك، بۇدان بۇرىن ورالدا پويىز قاعىپ كەتكەن ەر ادامنىڭ كوز جۇمعانىن جازعان بولاتىنبىز. سونداي- اق دارىگەرلەر وتا جاساپ، جاس انا مەن سابيلەرىنىڭ ءومىرىن ساقتاپ قالدى.
اۆتور: ەلجان ەرالى
