قازگيدرومەت: ماۋسىمنىڭ 26 سى كۇنگى اۋا رايى بولجامى
كاسىپورىننىڭ مالىمەتتەرىنە قاراعاندا، رەسپۋبليكانىڭ سولتۇستىگىندە، ورتالىعىندا جانە شىعىسىندا اتموسفەرالىق اعىندارىڭ وتۋىمەن جاڭبىر، نايزاعاي، بۇرشاق جاۋادى. ەلدىڭ باتىسى مەن وڭتۇستىگىندە كۇن جاۋىن- شاشىنسىز بولادى. كەي جەرلەردە جەل كۇشەيىپ، سولتۇستىك جانە سولتۇستىك- شىعىستا تۇندە جانە تاڭەرتەڭ كەي جەرلەردە تۇمان بولادى.
جامبىل، اقتوبە، قاراعاندى وبلىستارىنىڭ كەي جەرلەرىندە جەل 15-20 م/س جىلدامدىقپەن سوعادى.
قوستاناي، شىعىس قازاقستان وبلىستارىنىڭ كەي جەرلەرىندە بۇرشاق جاۋۋى ىقتيمال، كۇندىز جەل 15-20 م/س جىلدامدىقپەن سوعادى.
پاۆلودار، سولتۇستىك قازاقستان وبلىستارىنىڭ كەي جەرلەرىندە تۇندە جانە تاڭەرتەڭ تۇمان بولادى، كۇندىز پاۆلودار وبلىسىنىڭ كەي جەرلەرىندە جەل 15-20 م/س جىلدامدىقپەن ەسەدى.
كۇندىز باتىس قازاقستان، اتىراۋ وبلىستارىندا اپتاپ ىستىق بولادى.
ماڭعىستاۋ، اقتوبە وبلىستارىندا دا كۇن قاتتى ىسيدى.
قىزىلوردا، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، تۇركىستان، جامبىل، قاراعاندى، باتىس قازاقستان، قوستاناي وبلىستارىنىڭ كەي جەرلەرىندە ءورت قاۋپى كۇتىلەدى.
