26-شىلدە. قازاقپارات كۇنتىزبەسى
اتاۋلى كۇندەر
قازاقستاندا ساۋدا قىزمەتكەرلەرى كۇنى ساۋدا سالاسىنداعى قىزمەتكەرلەردىڭ كاسىبي مەيرامى جىل سايىن شىلدەنىڭ ءتورتىنشى جەكسەنبىسىندە اتالىپ وتەدى. قازاقستان رەسپۋبليكاسى ۇكىمەتىنىڭ 2017 -جىلعى 31 - قازانداعى №689 قاۋلىسىمەن بەكىتىلگەن.
ەستە قالار وقيعالار
1920 -جىلى سوۆەتتەر سەزىندە ساكەن سەيفۋللين اقمولا اتقارۋ كوميتەتى مۇشەلىگىنە قابىلداندى جانە كوميتەت ءتوراعاسىنىڭ ورىنباسارى بولىپ تاعايىندالدى.
1968 -جىلى 6000 ءسوز بەن تۇسىنىك ەنگەن «اباي ءتىلى سوزدىگى» جارىق كوردى.
1989 -جىلى قازاق سسر كومپارتياسى وك جانىنداعى كوميسسيا قازاقتىڭ كورنەكتى جازۋشىسى، قوعام قايراتكەرى، قازاق پروزاسىنداعى ەڭ العاشقى رومان «باقىتسىز جامالدىڭ» اۆتورى ءمىرجاقىپ دۋلاتوۆتىڭ شىعارمالارىنا دۇرىس باعاسىن بەرىپ، ولاردى جاريالاۋ تۋرالى، ادىلەتتىلىكتى قالىپتاستىرۋ تۋرالى قورىتىندى شىعاردى.
1999 -جىلى قازاقستان رەسپۋبليكاسىنىڭ «بارىس» وردەنى بەكىتىلدى. بۇل وردەن قازاقستان رەسپۋبليكاسىنىڭ مەملەكەتتىگى مەن ەگەمەندىگىن نىعايتۋ ىسنە؛ بەيبىتشىلىكتى، قوعامنىڭ توپتاسۋى مەن قازاقستان حالكىنىڭ بىرلىگىن قامتاماسىز ەتۋگە؛ مەملەكەتتىك، وندىرىستىك، عىلىمي، الەۋمەتتىك- مادەني جانە قوعامدىق قىزمەتتە؛ حالىقتار اراسىنداعى ىنتىماقتاستىقتى نىعايتۋعا؛ ۇلتتىق مادەنيەتتەردى جاقىنداستىرۋ مەن ءوزارا بايىتۋعا؛ مەملەكەتتەر اراسىنداعى دوستىق قاتىناستاردى دامىتۋعا سىڭىرگەن ەرەكشە ەڭبەگى ءۇشىن تابىستالادى. «بارىس» وردەنىنىڭ ءۇش دارەجەسى بار. 2012 -جىلى حالىق اسپاپتارىن جەتىك مەڭگەرگەن، پاۆلودارلىق جاس مۋزىكانت ەراسىل ادىلبەكوۆ ريميني قالاسىندا (يتاليا) وتكەن «talianai سيقىرى - 2012» بالالار جانە جاستار شىعارماشىلىعى حالىقارالىق كونكۋرس- فەستيۆالىنىڭ باس جۇلدەسىن جەڭىپ الدى.
2013 -جىلى ۇشتوبە بالالار ءۇيى تاربيەلەنۋشىلەرى سالعان سۋرەتتەر قىتايدىڭ حاڭجوۋ قالاسىندا وتكەن حالىقارالىق بالالار ونەر كورمەسىندە كورسەتىلدى. قازاقستاننىڭ ق ر- داعى ەلشىسى، ۇلتتىق كومپانيالاردىڭ جانە «ەير استانا» كومپانياسىنىڭ وكىلدىكتەرى بالالاردىڭ قىتايعا تەگىن بارىپ حالىقارالىق كورمەگە قاتىسىپ قايتۋىنا ۇيىتقى بولدى.
2015 -جىلى الماتىدا وقۋشىلار اراسىندا ينفورماتيكادان (IOI-2015) XXVII حالىقارالىق وليمپيادا ءوتتى. بۇنداي شارا قازاقستاندا العاش رەت ۇيىمداستىرىلدى. وعان الەمنىڭ 86 ەلىنەن 630 دان استام دەلەگات قاتىستى.
2015 -جىلى ىبىراي جاقايەۆ اتىنداعى قىزىلوردا عىلىمي- زەرتتەۋ ينستيتۋتىنىڭ عالىمدارى رەسەيدىڭ «كۋراج» جانە قازاقستاننىڭ «ەليتا» كۇرىش سۇرىپتارىن بۋدانداستىرۋ جولىمەن «ارۋ» اتتى جاڭا كۇرىش سۇرپىن الدى.
2016 -جىلى ەۋرازيا جازۋشىلار وداعىنىڭ اي سايىنعى «كاردەش كالەملەر» جۋرنالى ءبىر ءنومىرىن تولىقتاي جىر الىبى جامبىل جابايەۆقا ارنادى. 2017 -جىلى بۋداپەشتە سۋ سپورتى تۇرلەرى بويىنشا FINA الەم بىرىنشىلىگىندە جۇزگىش ءادىل قاسقاباي 100 مەتر قاشىقتىقتا قۇلاشتاپ جۇزۋدەن مەجەگە 50 سەكۋندتا كەلىپ، ۇزاق ۋاقىتتان بەرى العاش رەت قازاقستان رەكوردىن ورناتتى.
2017 -جىلى «ەجەلگى تاراز - استانا» ەتنوگرافيالىق كەرۋەنى استاناعا 300 گە جۋىق مۋزەي ەكسپوناتىن اكەلدى. ەلوردا تۇرعىندارى مەن قوناقتار «تاراز - تاريحتىڭ التىن دىڭگەگى» كورمەسىندە تاراز قالاسىنىڭ 2000 -جىلدىق تاريحىمەن تانىسۋ مۇمكىندىگىنە يە بولدى.
2018 -جىلى ەۋروپا حابار تاراتۋ وداعى قازاقستاندى Junior Eurovision-2018 قاتىسۋشىسى دەپ جاريالادى. قازاقستان العاش رەت قاتىسقان «ەۋروۆيدەنيە-2018» بالالار بايقاۋىندا الەمنىڭ 19 ەلىنەن جينالعان 9-14 جاس ارالىعىنداعى ۆوكالشىلار ونەر كورسەتتى. 2019 -جىلى قازاقستاندىق گالبادراح وتگونتسەتسەگ زاگرەبتە (حورۆاتيا) دزيۋدودان وتكەن گران- پري ءتۋرنيرىنىڭ جەڭىمپازى اتاندى. تۋرنير فينالىندا ول 48 كەلىگە دەيىنگى سالماقتا فرانتسيالىق مەلاني كلەمەندى جەڭدى. گالبادراح دودا بارىسىندا كاتارينا تانزەردى (اۋستريا) ، يو حيونگتى (ق ح ر) جانە لي ياناندى (قح ر) ۇتىپ، فينالعا شىقتى.
