قىتايلىق 26 جاستاعى جىگىت «ينتەر» فۋتبول كلۋبىن ساتىپ الدى

 استانا. قازاقپارات - يتاليالىق «ينتەر» فۋتبول كومانداسىنىڭ پرەزيدەنتى بولىپ 26 جاستاعى كاسىپكەر ستيۆەن چجان تاعايىندالدى.

وسىعان دەيىن ونى يندونەزيالىق بيزنەسمەن باسقارعان دەپ حابارلايدى vesti.kz سايتى.

«كلۋب، ونىڭ مۇشەلەرى مەن قالا ءسىزدى قاتتى كۇتتى. قوش كەلدىڭىز، پرەزيدەنت چجان»، - دەپ جازىلعان «ينتەردىڭ» Тwitter پاراقشاسىندا.

ەسكە سالساق، «ينتەر» اكسياسىنىڭ باقىلاۋ پاكەتى ستيۆەننىڭ اكەسى چجان تسزيندۋننىڭ يەلىگىندە بولاتىن. ونىڭ وتباسى سوڭعى ەكى جىلدا كلۋبتىڭ بەتالىسىن باقىلاپ وتىرعان.

ال چجاندارعا دەيىن فۋتبول كلۋبىن يندونەزيالىق كاسىپكەر ەريك توحير باسقارىپ كەلدى.

ال «ينتەر» كلۋبى يتاليالىق A سەرياسىنداعى تىزىمدە توعىز تۋر ويىننان كەيىن ءۇشىنشى ورىندا كەلەدى. «نەرادزۋرري» چەمپيوندار ليگاسىنىڭ توپتىق كەزەڭىندە ءۇش ويىننان كەيىن ەكىنشى ورىنعا شىقتى.