14:45, 10 - ءساۋىر 2018 | GMT +5
مەكتەپ اۆتوبۋسى اپاتقا ۇشىراپ، 26 وقۋشىنىڭ ءومىرى قيىلدى
استانا. قازاقپارات - ءۇندىستاننىڭ سولتۇستىگىندە مەكتەپ اۆتوبۋسى اپاتقا ۇشىراپ، وتىزعا جۋىق ادام قازا تاپتى. بۇل جايلى euronews.com حابارلايدى.
جەرگىلىكتى بۇقارالىق اقپارات قۇرالدارىنىڭ دەرەكتەرىنە قاراعاندا، جانتۇرشىگەرلىك اپات سالدارىنان جالپى وتىزعا جۋىق ادام، كەم دەگەندە 26 بالا قازا تاپقان. ولاردىڭ بارلىعى باستاۋىش سىنىپ وقۋشىلارى بولعان. تاعى وننان استام ادام زارداپ شەكتى.
كۋاگەرلەر اۆتوبۋستىڭ كۇرت بۇرىلار تۇستا شاتقالعا قۇلاعانىن ايتقان.
وقيعا ورنىندا قۇتقارۋ جۇمىستارى ءجۇرىپ جاتىر. اپات سەبەپتەرى ازىرگە بەلگىسىز.
