بايقوڭىردان «انگوسات» جەر سەرىگىن ۇشىرۋ 26- جەلتوقسانعا شەگەرىلدى
بايقوڭىر. قازاقپارات - بايقوڭىردان «انگوسات» جەر سەرىگىن ۇشىرۋ 26- جەلتوقسانعا شەگەرىلدى.
بۇعان دەيىن ول 7- جەلتوقساندا ۇشىرىلادى دەپ جوسپارلانعان بولاتىن، دەپ حابارلايدى قازاقپارات.
انگولا مەملەكەتىنىڭ العاشقى جەر سەرىگىن ۇشىرۋدىڭ جاڭا داتاسى بەلگىلەنگەنى تۋرالى رەسەيدىڭ «ەنەرگيا» عارىش كورپوراتسياسىنىڭ سايتىندا حابارلانعان. بۇل كورپوراتسيا انگولا رەسپۋبليكاسى تەلەكوممۋنيكاتسيا جانە اقپاراتتىق تەحنولوگيالار مينيسترلىگىنىڭ تاپسىرىسىمەن عارىشتىق اپپاراتتى جاساپ شىعارعان.
عارىشتىق اپپارات انگولا رەسپۋبليكاسىن جانە تۇتاس افريكا كونتينەنتىن تەليەۆيزيا جانە بايلانىسپەن قامتاماسىز ەتۋگە ارنالعان.
ايتا كەتەيىك، بۇعان دەيىن بايقوڭىر عارىش ايلاعىندا «فرەگات» ۇدەتكىش بلوگىنا وتىن قۇيۋ كەزىندە شتاتتان تىس جاعداي بولعانى حابارلانعان بولاتىن.
