جاي ءتۇسىپ، قازا تاپقاندار سانى 26 ادامعا جەتتى
استانا. قازاقپارات - ءۇندىستاننىڭ سولتۇستىگىندەگى بيحار شتاتىندا نايزاعاي سوعۋىنىڭ سالدارىنان اجال قۇشقانداردىڭ سانى 26 ادامعا جەتتى، دەپ حابارلايدى ر ي ا نوۆوستي شتاتتىڭ توتەنشە جاعدايلاردى رەتتەۋ دەپارتامەنتىنىڭ وكىلى انيرۋدحا كۋمارعا سىلتەمە جاساپ.
بۇدان بۇرىن ۋتتار-پرادەش پەن بيحار شتاتتارىندا جاي ءتۇسىپ، 19 ادامنىڭ قازا تاپقانى تۋرالى حابارلانعان ەدى. IANS اگەنتتىگىنىڭ دەرەگى بويىنشا، مەرت بولعاندار اراسىندا بالالار مەن ايەلدەر بار. 10 نان استام ادام زارداپ شەككەن.
