قانات يسلام 26- مامىرداعى ايقاسقا دايىندىق ۇستىندە

استانا. قازاقپارات - قازاقستاندىق تانىمال بوكسشى قانات يسلام (23-0, 19 ك و) فلوريدادا (ا ق ش) 26- مامىردا وتەتىن كەزەكتى پروفي-رينگتەگى جەكپە-جەگىنە دايىندىعىن جالعاستىرىپ جاتىر، دەپ حابارلاندى «پروفي بوكس كازاحستانا» ۆكونتاكتە توبىندا.

ءبىزدىڭ وتانداسىمىز ءبىرىنشى ورتا سالماقتا نوربەرتو گونسالەسپەن (23-8,  13ك و) WBO، NABA جانە WBA Intercontinental تيتۋلى ءۇشىن ايقاسادى.

«قازاقستاندىق ماياميدە ورنالاسقان نەلسون لوپەسدىڭ جاتتىقتىرۋ بازاسىندا كۇنىنە ەكى رەتتەن شەبەرلىگىن شىڭداۋ ۇستىندە. قانات كۇن سايىن وكيچوبي كولىنىڭ جاعاسىندا ساعات 6:00 دەن باستاپ 20 شاقىرىمعا جۇگىرەدى، - دەپ حابارلايدى بوكسشىنىڭ وكىلى بەرىك سۇلتان.

تاياۋ كۇندەرى الداعى ايقاس تۋرالى باسپا ءسوز ءماسليحاتى وتەدى. بۇعان قوسا ايتارىمىز، بۇل بوكس كەشىنە وزگە قازاقستاندىق بوكسشى جانقوش تۇراروۆ تا قاتىسادى.

ازىرگە ونىڭ قارسىلاسى بەلگىسىز بولىپ وتىر. «قازاقستان» تەلەارناسى يسلام مەن جانقوشتىڭ جەكپە-جەكتەرىن 27- مامىر كۇنى تىكەلەي ەفيردەن كورسەتەدى.