قازاقستاندا بيىل وتباسىنداعى جانجال كەزىندە 26 ايەل كوز جۇمدى
بىلتىر وسىنداي سەبەپتەرمەن قا جۋىق نازىك جاندى ءجانتاسىلىم ەتىپتى.
«اعىمداعى جىلدىڭ 8-ايىنداعى ستاتيستيكالىق دەرەكتەرگە سايكەس، وتباسى- تۇرمىستىق سالادا 26 ايەل قازا تاپقان. 2015 -جىلدىڭ 12 ايىندا - 58 ايەل. بيىلعى جىلدىڭ 8 ايىندا 48176 قىلمىستىق قۇقىقتىق بۇزۋشىلىق تىركەلگەن، ال 2015 -جىلدىڭ 12 ايىندا 65325 قىلمىستىق قۇقىق بۇزۋشىلىق انىقتالعان»، - دەپ جازادى كوميتەت «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا.
2016 -جىلدىڭ 6 ايىندا رەسپۋبليكا سوتتارى ق ر قىلمىستىق كودەكسىنىڭ 109-بابىندا (ۇرىپ- سوعۋ) كوزدەلگەن قىلمىستىق قۇقىقتىق بۇزۋشىلىقتاردى جاساعانى ءۇشىن زاڭدى كۇشىنە ەنگەن ۇكىمدەر بويىنشا 14 ادام سوتتاعان.
«2016 -جىلى ق ر قىلمىستىق كودەكسىنىڭ 106-بابىندا (دەنساۋلىققا قاساقانا اۋىر زيان كەلتىرۋ)، 107-بابىندا (دەنساۋلىققا قاساقانا اۋىرلىعى ورتاشا زيان كەلتىرۋ)، 108-بابىندا (دەنساۋلىققا قاساقانا جەڭىل زيان كەلتىرۋ) كوزدەلگەن قىلمىستىق قۇقىق بۇزۋشىلىقتاردى جاساعانى ءۇشىن 1 333 ادام سوتتالعان»، - دەلىنگەن حاتتا.
باس پروكۋراتۋرانىڭ مالىمەتتەرىنە جۇگىنسەك، بۇگىنگى كۇنى رەسپۋبليكادا 23 داعدارىس ورتالىعى تىركەلگەن، ولاردىڭ 17 سىندە باسپانا بار. قولدا بار مالىمەتتەر بويىنشا، تەك 2015 -جىلى داعدارىس ورتالىقتارىنا 12 مىڭنان استام ايەل جۇگىنگەن، ىشكى ىستەر ورگاندارى قىزمەتكەرلەرى اتالعان ورتالىقتارعا 3,5 مىڭ ايەلدى جىبەرگەن.
«تۇرمىستىق زورلىق- زومبىلىقتىڭ الدىن الۋ ماسەلەسىن شەشۋ اياسىندا باس پروكۋراتۋرا «وتباسىنداعى زورلىق- زومبىلىقسىز قازاقستان» جوباسىنىڭ جۇمىسىن باستادى، ول وتباسى- تۇرمىستىق سالاداعى قۇقىق بۇزۋشىلىقتاردىڭ الدىن الۋدىڭ، ۇيدەگى زورلىق- زومبىلىق قۇرباندارىن انىقتاۋدىڭ ستراتەگياسى مەن ءتيىمدى مەحانيزمدەرىن ازىرلەۋگە باعىتتالعان. قويىلعان ماندەتتەردى شەشۋ ءۇشىن تۇرمىستىق زورلىق- زومبىلىقتىڭ الدىن الۋ سۋبەكتىلەرىنىڭ وكىلدەرىنەن ۆەدومستۆوارالىق جۇمىس توبى قۇرىلعان»، - دەپ اتاپ ءوتتى كوميتەتتەن.
