09:49, 20 - شىلدە 2016 | GMT +6
تايۆاندا 26 ادام اۆتوبۋستا تىرىدەي ورتەنىپ كەتتى
استانا. قازاقپارات - تايۆان اۋەجايىندا تۋريستىك اۆتوبۋس جانىپ كەتتى. ىشىندەگى 26 ادام قازا بولدى.
كولىك جوعارى جىلدامدىقپەن تەرمينالداردىڭ بىرىنە اپاراتىن ارنايى جولاق قورشاۋىنا سوقتىعىسىپ، ورتەنگەن.
وقيعا ورنىنا كەلگەن ءورت سوندىرۋشىلەر ءورتتى سوندىرگەنىمەن، اۆتوبۋس ىشىندە ورتەنىپ كەتكەن جولاۋشىلاردىڭ ءومىرىن اراشالاي المادى. اۆتوبۋستا سولتۇستىك-شىعىس قىتايلىق لياونين پروۆينتسياسىنان 24 تۋريست، گيد جانە جۇرگىزۋشى بولعان.
بيلىك وكىلدەرى قايعىلى وقيعانىڭ سەبەبىن انىقتاۋعا جانە تايۆانعا كەلىپ قازا تاپقان تۋريستەردىڭ وتباسىنا كومەكتەسۋگە ۋادە بەردى، دەپ جازادى شەتەلدىك ب ا ق.
