قازاقستاندىق دەلەگاتسيا افريكا وداعىنىڭ 26- اسسامبلەياسىنا قاتىستى
بۇل تۋرالى ق ر س ءى م- ءنىڭ باسپا ءسوز قىزمەتى حابارلادى
«اتالعان ءىس-شارا ا و- نىڭ «افريكانىڭ 2063 - كۇن ءتارتىبى» باعدارلامالىق قۇجاتتىنىڭ ماقساتتارى مەن مىندەتتەرىنە سايكەس افريكانىڭ دامۋىنا ارنالدى. قۇرلىقتىڭ ەكونوميكالىق جانە ينۆەستيتسيالىق دامۋ سالاسىنداعى، ايماقتىق قاۋىپسىزدىكتى قامتاماسىز ەتۋ، ادام قۇقىقتارىن قورعاۋ جانە كوشى-قون ساياساتىنىڭ جۇرگىزۋ ماسەلەلەرى تالقىلاندى.
گەندەرلىك تەڭدىك ماسەلەلەرىنە ەرەكشە نازار اۋدارىلىپ، ايەلدەردىڭ قۇقىقتارى مەن مۇمكىندىكتەرىن كەڭەيتۋ 2015-جىلى بويىنشا قىزمەتىنىڭ ناتيجەلەرى اتاپ ءوتىلدى»، دەلىنگەن حابارلامادا.
ا و سامميتىنىڭ شەڭبەرىندە قازاقستاننىڭ تاراپى ب ۇ ۇ د ب- مەن بىرلەسىپ «افريكادا تۇراقتى دامۋ ماقساتىن جۇزەگە اسىرۋ ءۇشىن وڭتۇستىك - وڭتۇستىك باعىتتا ىنتىماقتاستىقتى نىعايتۋ» تاقىرىبىندا ارنايى ءىس-شارا وتكىزدى. وعان افريكا مەملەكەتتەردىڭ سىرتقى ىستەر مينيسترلىكتەرىنىڭ جانە حالىقارالىق ۇيىمدارىنىڭ باسشىلارى قاتىستى.
ءوز سوزىندە ە. اشىقبايەۆ قازاقستاننىڭ جەتىستىكتەرى، بىرىككەن ۇلتتار ۇيىمىنىڭ ورنىقتى دامۋ ماقساتتارىنا (و د م) ءوز ۇلەسىن جانە وڭتۇستىك - وڭتۇستىك باعىتتا جاھاندىق باستامانى ىلگەرىلەتۋ تۋرالى قاتىسۋشىلاردى حاباردار ەتتى. سونىمەن بىرگە، و د م ىسكە اسىرۋ اياسىندا «قازاقستان-2050» ستراتەگياسى مەن «2063-افريكا» كۇن ءتارتىبىنىڭ ماقساتتارىنىڭ ۇقساستىعى تۋرالى باسا ايتىلدى. ينستيتۋتسيونالدىق دامىتۋ باعىتىندا بەلگىلەنگەن كومەك كورسەتەتىن، ب ۇ ۇ د ب- مەن بىرگە ىسكە اسىرىلىپ جاتقان «افريكا ەلدەرىنىڭ سىرتقى ىستەر مينيسترلىگىنىڭ الەۋەتى دامۋىنا كومەكتەسۋ» جوباسى قاتىسۋشىلاردىڭ نازارىنا حاباردار ەتىلدى.
ارنايى ءىس-شارانىڭ بارىسىندا ب ۇ ۇ باس اسسامبلەياسىنىڭ 70- سەسسياسىنىڭ اياسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستامالارى، 2017-2018-جىلدارعا ب ۇ ۇ قاۋىپسىزدىك كەڭەسىنە ىلگەرىلەتۋ جانە «ەكسپو-2017» كورمەسىن وتكىزۋ تۋرالى حاباردار ەتىلدى. قازاقستاننىڭ كانديداتۋراسىن قولداۋ پايداسىنا جانە كورمەگە قاتىسۋ ماسەلەلەردى راستاۋدى جەدەلدەتۋگە بارلىق نەگىزدەيتىن دالەلدەر بەرىلدى.
افريكا وداعى سامميتىنىڭ اياسىندا قازاقستاندىق دەلەگاتسيانىڭ باسشىسى ا و كوميسسياسىنىڭ ءتورايىمى نكوسازانا دلاميني- زۋمامەن جانە الجير، بوتسۆانا، بەنين، گانا، گامبيا، گۆينەيا، ليبەريا، ناميبيا، نيگەريا، مالاۆي، كامەرۋن، كابو-ۆەردە، قامارلار، سۆازيلەند، سەيشەل ارالدار، سەنەگال، سەررا-لەونە، ەكۆاتوريالدىق گۆينەيا، ەفيوپيا جانە وڭتۇستىك سۋدان ەلدەرىنىڭ سىرتقى ساياسي مەكەمەلەرىنىڭ باسشىلارىمەن كەزدەسۋ بارىسىندا ىنتىماقتاستىقتى ودان ءارى نىعايتۋ جانە حالىقارالىق فورۋمدار اياسىندا كوپتەگەن ءىرى باستامالار بويىنشا ءوزارا قولداۋ ماسەلەلەرى تۋرالى پىكىر الماستى.
افريكانىڭ سىرتقى ساياسي مەكەمەلەرىنىڭ باسشىلارىمەن كەزدەسۋلەر بارىسىندا ق ر سىرتقى ىستەر ءمينيسترى ەرلان ىدىرىسوۆتىڭ ەكىجاقتى جانە كوپجاقتى بايلانىستاردى ارتتىرۋ ءۇشىن ۇسىنىستارى تۋرالى حاتتار، «ەكسپو-2017»، سونداي-اق يسلام ىنتىماقتاستىق ۇيىمنىڭ ازىق-تۇلىك قاۋىپسىزدىك جونىندە باس اسسامبلەياسىنا ق ر پرەزيدەنتىنىڭ جانە ق ر پرەمەر-ءمينيسترىنىڭ اتىنان شاقىرۋ حاتتارىنىڭ كوشىرمەلەرى تاپسىرىلدى.
