العاش رەت قىزدار ەلىمىزدىڭ 26 جوعارى وقۋ ورنىنىڭ اسكەري كافەدراسىندا ءبىلىم الادى
دايىندىق ەكى اسكەري ماماندىق بويىنشا جۇرگىزىلەدى. ول: بايلانىس بولىمشەلەرىن قولدانۋ (اسكەري بايلانىسشىلار)، اۆتوماتتاندىرىلعان قاۋىپسىزدىك جۇيەلەرىن قولدانۋ (ەسەپتەۋىش تەحنيكا قۇرالدارىنىڭ وبەكتىلەرى مەن باسقارۋ جۇيەلەرىن اۆتوباسقارۋعا ارنالعان ماماندار).
ق ر ق م ءبىلىم جانە عىلىم دەپارتامەنتىندە اتاپ وتكەندەي، اسكەري كافەدراعا ءتۇسۋ ءۇشىن قىزدارعا مەديتسينالىق كۋالاندىرۋدان ءوتىپ، دەنە دايارلىعى نورماتيۆتەرى مەن پسيحولوگيالىق تەستىلەۋدى تاپسىرۋ قاجەت.
وسىلايشا، قىزدار جىگىتتەرمەن قاتار وزدەرىنىڭ نەگىزگى بىلىمىنە قوسىمشا اسكەري ماماندىق بويىنشا ءبىلىم الۋلارىنا مۇمكىندىكتەرى بار، ال قارۋلى كۇشتەرى ءوز كەزەگىندە، قوسىمشا دايىندالعان جۇمىلدىرىلعان رەسۋرس الا الادى.
اسكەري كافەدرادا تەوريالىق ساباقتار پراكتيكالىق وقىتىپ-ۇيرەتۋمەن اياقتالادى. وقىپ-ۇيرەنۋشىلەر قارۋلى كۇشتەردىڭ اسكەري بولىمدەرى بازاسىندا دايىندىقتان وتەدى، دالالىق جاعدايلاردا العان بىلىمدەرىن قولدانۋدى ۇيرەنەدى. وقۋ اياقتالىسىمەن بارلىق وقىپ-ۇيرەنۋشىلەرگە «لەيتەنانت» وفيتسەرلىك اسكەري اتاعى بەرىلەدى. ولار جوعارى ءبىلىمى تۋرالى ديپلوممەن بىرگە زاپاستاعى وفيتسەردىڭ اسكەري بيلەتىن الادى جانە اۆتوماتتى تۇردە جۇمىلدىرىلعان رەزەرۆكە ەنگىزىلەدى.
BAQ.kz
