وسىدان 26 جىل بۇرىن سەمەي يادرولىق پوليگونىندا سوڭعى جارىلىس ورىن العان - و. سۇلەيمەنوۆ
بۇل كەزدەسۋ سەمەي يادرولىق پوليگونىندا جاسالعان سوڭعى يادرولىق جارىلىستىڭ 26 جىلدىعىنا ورايلاستىرىلدى.
ءوز سوزىندە ولجاس سۇلەيمەنوۆ 1989 - جىلى 19 - قازاندا كەڭەس وداعى تەلەگراف اگەنتتىگى سەمەي پوليگونىندا كەزەكتى جارىلىس جاسالعاندىعى تۋرالى حابار تاراتقان سوڭ، «نيەۆادا- سەمەي» قوزعالىسى يادرولىق جارىلىسقا قارسى الماتى، سەمەي، پاۆلودار، قاراعاندى، ساران جانە ماسكەۋ قالالارىندا جينالىستار، ميتينگىلەر ۇيىمداستىرىلعاندىعىن ايتتى.
«ءبىز قوزعالىستى قۇرعان كەزدە ستۋدەنتتەر بىزگە وتە جاقسى كومەكتەستى. ولار پوليگوندى جابۋ بويىنشا حالىقتان قول جينادى. ءسويتىپ، ءبىر- ەكى اپتانىڭ ىشىندە ەكى ميلليوننان استام قول جينادى. حالىقتىق جانە پارلامەنتتىك ديپلوماتيا، مىنە، وسىنداي ناتيجە بەردى. ءبىز قوزعالىستى 1989 - جىلى 28 - اقپاندا قۇردىق. ال سول جىلى 19 - قازاندا سوڭعى جارىلىس بولدى. كەيىن، كوپ ۇزاماي 23 - قازاندا پوليگوندى جابۋ تۋرالى ماسەلە كوتەردىك. ول سۇراق داۋىسقا سالىندى. ءسويتىپ، جوعارعى كەڭەس ونى تولىعىمەن قولداپ داۋىس بەردى. سودان 1989 - جىلى 20 - قازاندا «ك س ر و ۇكىمەتى سەمەي يادرولىق سىناق پوليگونىن جابۋ ماسەلەسىن قاراسىن» دەگەن قاۋلى شىعارىلدى»، - دەدى و. سۇلەيمەنوۆ.
ول سونىمەن قاتار قازىرگى تاڭدا جىل سايىن ەل بولىپ اتاپ ءوتىلۋى كەرەك ەكى اتاۋلى كۇن بار ەكەندىگىن جەتكىزدى. ولار 1989 - جىلدىڭ 28 - اقپانى - «نيەۆادا- سەمەي» قوزعالىسى جانە 1991 - جىلدىڭ 29 - تامىزى - سەمەي پوليگونىنىڭ تولىق جابىلۋ كۇنى.
ب ۇ ۇ باس اسسامبلەياسى 29 - تامىزدى - حالىقارالىق يادرولىق سىناققا قارسى نارازىلىق كۇنى دەپ جاريالادى. ال ونى حالىقارالىق كۇنتىزبەگە ەنگىزۋ ماسەلەسىن ءبىرىنشى بولىپ قازاقستاندىقتار كوتەرگەن. قازىر ول جىل سايىن بۇكىل الەمدە اتاپ وتىلەدى.
ولجاس سۇلەيمەنوۆ ءسوز سوڭىندا «نيەۆادا- سەمەي» قوزعالىسىنىڭ بۇدان كەيىگى قىزمەتىنىڭ يادرولىق سىناقتاردا بۇكىل الەمدە بويىنشا توقتاتۋعا باعىتتالعاندىعىن اتاپ ءوتتى.
ال بۇگىنگى كەزدەسۋدى ءال- فارابي اتىنداعى قازۇۋ مەن «نيەۆادا- سەمەي» قوزعالىسى ۇيىمداستىردى.
اۆتور: جاپپاربەرگەن ايبوتا
