قازاقستاندىق 26 بالا برازيلياعا فۋتبول وقۋىنا اتتاندى
تارازدىق 14 جاسار ميراس ابدىبەكوۆ فۋتبولدىڭ قىر- سىرىن ۇيرەنۋ ءۇشىن بەلۋ- وريزونتي قالاسىنا ءۇش جىلعا كەتىپ بارا جاتىر. ونىڭ ومىرىندەگى العاشقى شەتەلدىك ساپارىنا شىعارىپ سالۋعا اتا- اناسى، تۋىسقاندارى ارنايى الماتىعا كەلىپتى. ميراس برازيلياعا جولداما الۋ ءۇشىن ەكى ايلىق ىرىكتەۋدەن وتكەنىن ايتادى.
«ىرىكتەۋ اقپاندا باستالدى. العاشقى كەزەڭ وبلىستا بولدى. ەكىنشى سىناق الماتىدا ءوتتى. ىرىكتەۋ كەزىندە تەحنيكامىزدى، فيزيكالىق جاعدايىمىزدى تەكسەردى. ءۇش جىل بويى برازيليا مەكتەبىندە ءبىلىم الىپ، «كرۋزەيرو» اكادەمياسىندا فۋتبول تەحنيكاسىن مەڭگەرەمىز. پورتۋگال ءتىلىن دە وقيمىز» دەيدى جاس فۋتبولشى.
2009 - جىلى قازاقستاندا جاسوسپىرىمدەر فۋتبولشىلاردى برازيلياعا وقۋعا جىبەرۋگە ارنالعان «ولە برازيل» باعدارلاماسى اشىلعان. بۇل باعدارلاما بويىنشا 50 استام فۋتبولشى برازيليادا وقىپ، ەلگە ورالعان.
«ىرىكتەۋدە دەپۋتاتتار باقىلاۋشى بولدى»
قازاقستان فۋتبول فەدەراتسياسىنىڭ دەرەگى بويىنشا، برازيليادا وقىپ كەلگەن سەگىز فۋتبولشى قازاقستان پرەمەر-ليگاسىندا، 13 ى ءبىرىنشى ليگادا ويناپ ءجۇر. استانادا «ولە برازيل» باعدارلاماسىمەن وقىپ كەلگەندەرگە ارنالعان «بايتەرەك» فۋتبول كومانداسى اشىلعان. بۇل كوماندا قازاقستان چەمپيوناتىنىڭ ءبىرىنشى ليگاسىندا وينايدى.
كونكۋرستى سپورت جانە دەنە شىنىقتىرۋ كوميتەتى مەن قازاقستان فۋتبول فەدەراتسياسى (ق ف ف) بىرىگىپ، ۇيىمداستىرعان. كوميتەت ءتوراعاسىنىڭ ورىنباسارى ماليك ساپاشوۆ الامان تىلشىسىنە بەرگەن سۇحباتىندا ىرىكتەۋ اشىق وتكەنىن ايتتى.
«ءبىرىنشى ىرىكتەۋ كەزەڭىنە باق وكىلدەرى شاقىرىلدى. ال ەكىنشى ىرىكتەۋ كەزەڭىندە ءماجىلىس دەپۋتاتتارى باقىلاۋشى بولدى. داۋ تۋماس ءۇشىن وسىنى ۇيىمداستىردىق» دەيدى كوميتەت وكىلى.
ق ف ف ۆيتسە-پرەزيدەنتى سەيىلدا بايشاقوۆ «برازيلياعا كەتىپ بارا جاتقان بالالار قازاقستان قۇراماسىنىڭ بولاشاق ويىنشىلار» دەپ باعالادى.
«ءبىر بالاعا اي سايىن ەكى مىڭ دوللار بولىنەدى»
سپورت كوميتەتىنىڭ وكىلى ماليك ساپاشوۆتىڭ ازاتتىققا بەرگەن مالىمەتى بويىنشا، برازيليادا وقيتىن ءار بالاعا اي سايىن ەكى مىڭ دوللار بولىنەدى. دەمەك، ءبىر بالانىڭ ءۇش جىلدىق وقۋىنا 72 مىڭ دوللار كەتەدى.
برازيلياداعى «كرۋزەيرو» فۋتبول اكادەمياسىنىڭ مەنەدجەرى سيلۆەيرا پەدرو ەنريكە بالالاردى بەلۋ- وريزونتيگە الىپ كەتۋ ءۇشىن الماتىعا ارنايى كەلگەن.
«ءبىزدىڭ اكادەميادا كانادا، كولۋمبيا، ەكۆادور، ا ق ش، اۆستراليا، موڭعوليا، كامەرۋننان كەلگەن بالالار وقىپ جاتىر. قازاقستاننان بارعان بالالاردى قوسقاندا اكادەميادا 150 جۋىق شەتەلدىك بالا وقيدى. برازيليالىق جاسوسپىرىمدەر دە كوپ. قازاقستاننان باراتىن 26 بالا ەلىنە كوپ نارسە ۇيرەنىپ كەلەدى دەپ ۇمىتتەنەمىن. بۇل فۋتبولشىلاردىڭ ىشىندە ءوزىن جاقسى جاعىنان كورسەتكەندەرىن «كرۋزەيرونىڭ» جاسوپىرىمدەر كلۋبىمەن كەلىسىم- شارت جاساسىپ، سول كوماندادا ويناۋعا مۇمكىندىگى بار» اكادەميا مەنەدجەرى الامانعا.
قازاقستاندىق جاسوسپىرىمدەر اتتانعان «كرۋزەيرو» كومانداسىندا بىرنەشە ءىرى اكادەميا بار. كلۋبتىڭ ءوزى برازيليا چەمپيوناتىن 1966, 2003, 2013, 2014 - جىلدارى جەڭىپ العان. بۇل كوماندادا رونالدو، ديدا، ريۆالدو سىندى تانىمال برازيليالىق فۋتبولشىلار ويناعان.
alaman.kz
